ဒီဖြန့်ဝေမှုတွေကို ဒီဇင်ဘာလ ၁၅ ရက်နေ့က စတင်ပြီး စစ်တပ်ထောက်ခံသူတွေရဲ့ ဖေစ့်ဘွတ်ဂရုတွေနဲ့ ပေချ့်တွေမှာ ရေးသားဖြန့်ဝေ နေတာဖြစ်ပြီး ဒီရက်ပိုင်းမှာတော့ မင်းမော်ကွန်း ကျဆုံးပြီဆိုတဲ့ ပိုစ့်တွေပါ လူမှုမီဒီယာတွေပေါ် ပြန့်နှံ့လာတာ တွေ့ရပါတယ်။
လုပ်ကြံရေးသားထားတဲ့ ပိုစ့်တွေမှာ "မိမော်ကွန်း ဖမ်းခံရတာ အမှန်ပါ ဗျာ့။ MWD MRTV မှာ ဒလန်လုပ်တော့မည်။ KNU တပ်မဟာ ၆ နယ်မြေအတွင်း ဖမ်းခံရတာပါ။" လို့ ရေးသားဖြန့်ဝေနေတာတွေ ရှိသလို အခုရက်ပိုင်းအတွင်း ထပ်မံတက်လာတဲ့ ပိုစ့်တွေမှာတော့ "ပြည်သူ့အချစ်တော် သရုပ်ဆောင် မင်းမော်ကွန်း ကျဆုံးပြီ" ဆိုတဲ့ လုပ်ကြံရေးသားမှုတွေလည်းရှိခဲ့ပါတယ်။
ရေးသားဖြန့်ဝေမှုတွေကို ဒီနေရာ၊ ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
သရုပ်ဆောင် မင်းမော်ကွန်း ဖမ်းဆီးခံရတယ်ဆိုတဲ့အကြောင်းအရာတွေပျံ့နှံ့နေဆဲမှာပဲ D-Day Channel က စီစဉ်တဲ့ "လေးကေကော်ရဲ့ တွန်းလှန်စစ်" ဆိုတဲ့ စကားဝိုင်းအစီအစဉ်ကို ဒီဇင်ဘာ ၁၈ ရက်နေ့ညပိုင်းမှာ D day Channel၊ People'Embrace၊ Mizzima၊ Khit Thit Media၊ ThanLwinTimes နဲ့ Tachileik News Agency သတင်းဌာနတွေမှာ တိုက်ရိုက်ထုတ်လွှင်ခဲ့ပါတယ်။
ဒီတိုက်ရိုက်ထုတ်လွှင့်တဲ့ အစီအစဉ်မှာ သရုပ်ဆောင် မင်းမော်ကွန်းအပါအဝင် AAC မဟာမိတ်အဖွဲ့မှ တာဝန်ခံ ကိုရဲမင်း၊ CDM ဗိုလ်ကြီး တစ်ဦးဖြစ်တဲ့ ကိုလင်းထက်အောင် တို့နဲ့အတူ D-Day Channel က အစီအစဥိတင်ဆက်သူ ကိုရဲဟိန်းတို့ ပါဝင်ဆွေးနွေးထားပါတယ်။
ဒါ့အပြင် ယနေ့ ဒီဇင်ဘာ ၂၂ ရက်နေ့ နံနက်ပိုင်းမှာလည်း D-Day Channel မှာ "ကိုမင်းမော်ကွန်း နဲ့ ပြည်သူတွေရဲ့ တော်လှန်ရေးမေးခွန်း အမေးအဖြေ" ဆိုတဲ့ အစီအစဉ်ကို ဖော်ပြထားပါတယ်။
ဒါကြောင့် ခုရေးသားဖြန့်ဝေနေတဲ့ သရုပ်ဆောင်မင်းမော်ကွန်း ဖမ်းဆီးခံရတယ်ဆိုတာ မှန်ကန်ခြင်းမရှိသလို သေဆုံးသွားပြီလို့ ရေးသားနေတာတွေဟာ သတင်းအမှားတွေသာ ဖြစ်ပါတယ်။D-Day Channel မှာ ဖော်ပြခဲ့တဲ့ သရုပ်ဆောင်မင်းမော်ကွန်း ပါဝင်ခဲ့တဲ့ အစီအစဉ်တွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။