ဒီဗွီဒီယိုဖိုင်ကို A Daily Dose For Happiness ဆိုတဲ့ ဖေစ့်ဘွတ်ပေချ့်မှာ ဇွန်လ ၃ ရက် နေ့လည်ပိုင်းမှာ စတင်ဖြန့်ဝေခဲ့တာဖြစ်ပြီး ၂၄ နာရီ မပြည့်မီ ထပ်ဆင့်ဖြန့်ဝေမှု နှစ်ထောင့်သုံးရာ ကျော်နေပြီ ဖြစ်ပါတယ်။ ၂ မိနစ် နီးပါးကြာမြင့်တဲ့ ဗွီဒီယိုဖိုင်ထဲမှာ 'Aquaman' ဇာတ်ကားမင်းသား Jason Momoa နဲ့ မင်းသမီး Amber Heard ရဲ့ ရှေ့နေတို့ အပြန်အလှန် ပြောဆိုနေမှုကို ပါဝင်ပြီး ဘာသာပြန် စာတမ်းထိုးကာ ပြင်ဆင်တည်းဖြတ်ထားတာလည်း တွေ့ရပါတယ်။
ဖြန့်ဝေနေမှုကို ဒီနေရာ မှာ ကြည့်ရှု့နိုင်ပါတယ်။
သတင်းဆန်းစစ်ချက်
အခုဖြန့်ဝေနေတာတွေဟာ ပြန်လည်ပြုပြင်တည်းဖြတ်ထားတဲ့ ဗွီဒီယိုဖိုင်အတုသာ ဖြစ်ပါတယ်။ မူရင်းဗွီဒီယိုဖိုင်ဟာ ၂၀၂၀ ခုနှစ်က ကိုဗစ်ရောဂါဖြစ်ပွားနေတဲ့ ကာလအတွင်း ကွာရန်တင်းဝင်နေတဲ့ ကလေးတွေနဲ့ ပါတ်သတ်ပြီး မင်းသား Mamoa က The Ellen DeGeneres Show မှာ ဖြေကြားထားတဲ့ အင်တာဗျုးအစိတ်အပိုင်းတချို့ကို တရားခွင်ရုပ်ပုံတွေနဲ့ ဖြတ်ညှပ်ကပ်ပြန်လည်ဖန်တီးထားတဲ့ရုပ်သံဖြစ်ပြီး အဆိုပါရုပ်သံဖိုင်မှာ နိုင်ငံတကာလူမှုကွန်ရက်များတွင်လည်းပျံ့နှံ့ခဲ့ပြီးဖြစ်ပါတယ်။
အဆိုပါနောက်ပြောင်ထားတဲ့ရုပ်သံဖိုင်ဟာနိုင်ငံတကာက ပရိသတ်တွေကြားထဲမှာလည်းပျံ့နှံ့ခဲ့တာဖြစ်ပြီး ဒီရုပ်သံဖိုင်ကိုဆန်းစစ်ထောက်ပြထားတဲ့အကြောင်းအရာတွေလည်းရှိခဲ့ပါတယ်။အဆိုပါ ဗီဒီယိုအကြောင်းရှင်းလင်းရေးသားထားတဲ့သတင်းကို ဒီမှာ ဖတ်ပါ။
အထက်ပါပုံမှာ မူရင်းဗွီဒီယိုဖိုင်ရဲ့ ရက်စွဲကို အစိမ်းရောင်နဲ့ ဖော်ပြထားပါတယ်။ The Ellen DeGeneres Show မှာ ပါဝင်ခဲ့တဲ့ ဒီဗွီဒီယိုဖိုင်ကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။