ဒီ သတင်းအမှားကို ရဲရင့်ထက် ဆိုတဲ့ အကောင့်ပိုင်ရှင်က ဖေ့စ်ဘွတ်ပေါ် ဧပြီလ (၅) ရက်နေ့ မနက် ၇ နာရီ ၅၄ မိနစ်မှာ ရေးတင်ခဲ့တာဖြစ်ပါတယ်။
၎င်းရဲ့ ဖေ့စ်ဘွတ် စာမျက်နှာမှာ "မလိုက်နာရင် ကိုယ့်ထိုက်နဲ့ ကိုယ်ပဲ။ နွားလဲ Covid-19 ဖြစ်နေပြီ…..အမဲသားကြိုက်သူများ သတိထားပါ" လို့ သတင်းအမှား ရေးတင်ခဲ့ပါတယ်။ ၎င်းက သတင်းအမှားနဲ့အတူ လဲကျသေဆုံးနေတဲ့ နွားပုံတွေကို တွဲပြီး တင်ထားခဲ့တာဖြစ်ပြီး တကယ်တော့သူတင်ထားတဲ့ပုံတွေဟာ ၂၀၁၈ ခုနှစ်က လာအိုနိုင်ငံမှာ မိုးကြိုးမုန်တိုင်း ထိမှန်ပြီး နွားများသေဆုံးခဲ့တဲ့ ဓါတ်ပုံကို အသုံးပြုပြီးသတင်းအမှားဖြန့်ဝေခဲ့တာဖြစ်ပါတယ်။
ဒီသတင်းအမှား ကို လက်ရှိ ဧပြီလ ၇ ရက်နေ့အထိ လူပေါင်း ၄၁၀၀ ခန့်က ပြန်လည်ဝေမျှနေပြီး ထပ်ဆင့်မျှဝေဆဲ ဖြစ်ပါတယ်။
သတင်းဆန်းစစ်ချက်
ရဲရင့်ထက် ဆိုသူရဲ့ ဖေ့စ်ဘွတ်ပေါ် ရေးထားတဲ့ အကြောင်းအရာတွေကို ဆန်းစစ်ဖို့ Boom Myanmar က အချက်အလတ်တွေ စုဆောင်းကြည့်တဲ့အခါမှာ။ ၎င်း အသုံးပြုထားတဲ့ ကိုရိုနာဗိုင်းရပ်ကြောင့် နွားတွေ သေဆုံးတယ် ဆိုတဲ့ ဓါတ်ပုံဟာ ၂၀၁၈ ခုနှစ် ဖေဖော်ဝါရီလ ၂၁ ရက်နေ့နဲ့ ၂၂ ရက်နေ့က လာအိုနိုင်ငံ Kenethao ခရိုင် Xayabouly စီရင်စုမှာ မိုးကြိုးမုန်တိုင်းကြောင့် နွား ၂၇ ကောင် သေဆုံးခဲ့တဲ့ သတင်းဓါတ်ပုံပဲဖြစ်ပါတယ်။
ဒီ မိုးကြိုးမုန်တိုင်းကြောင့် နွားတွေ သေဆုံးခဲ့တဲ့ အကြောင်းကို ၂၀၁၈ ခုနှစ်က မဲခေါင်ဒေသဆိုင်ရာ မိုးလေဝသန နဲ့ အပူပိုင်းမုန်တိုင်း အကြောင်းရေးသားထားတဲ့ ဒီသုသေတန စာတမ်းမှာ ဖတ်ရှု့နိုင်ပါတယ်။
၂၀၁၈ ခုနှစ်က လာအိုနိုင်ငံမှာ မိုးကြိုးမုန်တိုင်း ဖြစ်ခဲ့တဲ့ သတင်းကို အောက်ပါ Link တွေမှာ ကြည့်ရှု့နိုင်ပါတယ်။
ဒီ ဖေ့စ်ဘွတ်ပိုစ့်ဟာ ကိုရိုနာဗိုင်းရပ်နဲ့ မသက်ဆိုင်တဲ့ သတင်းဓါတ်ပုံကို အသုံးပြုပြီး သတင်းအမှားဖြန့်ဝေခဲ့တဲ့ အကြောင်းအရာသက်သက်သာဖြစ်ပါတယ်။