Radio Free Myanmar (RFM) တံဆိပ်ပါ ပုံစံစာရွက်မှာ "ဆရာတော်တွေကို စတင်တိုက်ခိုက်ဖို့ ဒေါ်ဆုကိုယ်တိုင် ရဲတွေကို ခေါ်ပြောဟု သတင်းထွက်" လို့ရေးသားထားပြီး 'သာအေး' ဆိုတဲ့ ဖေစ့်ဘွတ်အကောင့်က ဇန်နဝါရီလ ၁၈ ရက်နေ့မှာ ဖြန့်ဝေခဲ့တာဖြစ်ပါတယ်။
ဖြန့်ဝေရာမှာ ဒေါ်အောင်ဆန်းစုကြည်အနေနဲ့ အမျိုးသားရေးနဲ့ ဗုဒ္ဓဘာသာအရေး ကိစ္စတွေမှာ ဦးဆောင်နေသူတွေကို နှိမ်နင်းဖို့ရဲအချို့ကို ပြောကြားထားကြောင်း၊ မြန်မာနိုင်ငံမှာက အမျိုးသားရေးသမားတို့ သင်္ကန်းဝတ်ထားတဲ့ ဘုန်းကြီးတွေက နေရာတကာပြဿနာရှာနေတယ်လို့ မြင်ကြောင်း၊ ဗုဒ္ဓဘုရားက လူတိုင်းကိုမေတ္တာထားရမယ်လို့ ဟောထားပေမယ့် ဒါကိုမလိုက်နာတဲ့အတွက် ဘုန်းကြီးအစစ်တွေ မဟုတ်ကြောင်း၊ ဆန္ဒပြလာပါက ဝင်ရောက်ရိုက်ရန်နဲ့ ကျန်တာ ဥပဒေနဲ့ ရှင်းပေးမည်ဖြစ်ကြောင်း စတဲ့ ရဟန်းတွေနဲ့ နိုင်ငံတော် အတိုင်ပင်ခံတို့ကြား အထင်လွဲစေနိုင်တဲ့ ရေးသားချက်တွေကို ရည်ရွယ်ချက်ရှိရှိ ဝေဖန်ရေးသားထားတာဖြစ်ပါတယ်။
ဒီဖြန့်ဝေမှုကို ပြန်လည်ဖြန့်ဝေသူနဲ့ ထပ်ဆင့်ဖြန့်သူ တစ်ထောင့်ခုနှရာကျော်ရှိပြီး ဒီနေရာ မှာ ဝင်ရောက်ကြည့်ရှု့နိုင်ပါတယ်။
သတင်းဆန်းစစ်ချက်
Radio Free Myanmar (RFM) နဲ့ ပါတ်သတ်ပြီး BOOM အနေနဲ့ အကြိမ်ကြိမ်ရေးသားထားပြီး ဖြစ်ပါတယ်။ Radio Free Myanmar (RFM) ဟာ လွတ်လပ်တဲ့အာရှအသံ Radio Free Asia (RFA) နဲ့ အမည်ဆင်တူရိုးမှားပြုလုပ်ပြီး ဖေစ့်ဘွတ်ပေါ်မှာ သတင်းအမှားတွေနဲ့ အမုန်းစကားတွေ ဖြန့်ဝေနေတဲ့ အဖွဲ့ဖြစ်ပြီး သတင်းမှားအများစုဟာ NLD နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ပုတ်ခတ်ရေးသားထားတာ ဖြစ်ပါတယ်။
RFM ကို သတင်းအမှားတွေ ဆက်တိုက်ဖြန့်ဝေနေတဲ့အတွက် Facebook က ဖြုတ်ချလိုက်ထားခဲ့ပြီး ဖြစ်ပြီး RFM ပေချ့်ရဲ့ သတင်းတွေဆိုတာ စာတွေကို ကြိုက်နှစ်သက်ရာ ရေးနိုင်အောင်ဖန်တီးထားတဲ့ RFM လိုဂိုပါ Template အလွတ်တွေနဲ့ ဖန်တီးထားခြင်းသာ ဖြစ်ပါတယ်။ ဒါအပြင်လက်ရှိဖြန့်ဝေနေတဲ့ အကြောင်းအရာနဲ့ဆက်စပ်တဲ့ ကိစ္စတစ်စုံတစ်ခုကိုမျှ ဒေါ်အောင်ဆန်းစုကြည်ဒီရက်ပိုင်းထဲပြောဆိုထားတာမရှိပါဘူး။
RFM နဲ့ ပါတ်သတ်ပြီး BOOM ရဲ့ ရေးသားဖော်ပြမှုတွေကို ဒီနေရာ၊ ဒီနေရာ နဲ့ ဒီနေရာ တွေမှာ ဖတ်ရှု့နိုင်ပါတယ်။