ဒီသတင်းကို ဧပြီလ ၁၇ ရက်နေ့က စတင်ဖြန့်ဝေနေကြတာဖြစ်ပြီး UNILAD သတင်းဌာနမှာ ဖော်ပြထားတဲ့ သတင်းဓါတ်ပုံကို အသုံးပြုကာ ပူတင်က တတိယကမ္ဘာစစ် စပြီလို့ပြောထားကြောင်း ရေးသားဖြန့်ဝေနေတာပါ။
တကယ်တော့ ဒီအကြောင်းအရာဟာ ရုရှားရေတပ်ရဲ့ စစ်သင်္ဘောတစ်စီး နစ်မြုပ်သွားပြီးတဲ့နောက် ရုရှားအစိုးရပိုင် မီဒီယာ Russia 1 သတင်းဌာနရဲ့ အစီအစဉ် ကြေညာသူက တတိယကမ္ဘာစစ် စတင်နေပြီလို့ ပြောဆိုရာကစပြီး လူမှုမီဒီယာတွေပေါ် ပျံ့နှံ့လာတာဖြစ်ပါတယ်။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
ဖြန့်ဝေနေတဲ့ UNILAD သတင်းဌာနရဲ့ ဓါတ်ပုံထဲမှာ ရေးသားထားတာမှာလည်း ရုရှားအစိုးရပိုင် ရုပ်သံက ကြေညာတယ်လို့သာ ရေးသားထားတာပါ။ ဒီအချက်ကို ပူတင်ကတိုက်ရိုက် ပြောဆိုတယ်လို့ ရေးသားဖော်ပြထားခြင်းမရှိပါဘူး။ ဒီအကြောင်းအရာဟာ ရုရှားမီဒီယာရဲ့ အာဘော်သာ ဖြစ်ပါတယ်။ ရုရှား- ယူကရိန်းအရေးကြောင့် ကမ္ဘာ့အင်အားကြီးနိုင်ငံတွေအကြား စစ်ရေးတင်းမာမှုတွေရှိနေပေလက်လက်ရှိအခြေအနေကြောင့် တတိယကမ္ဘာစစ်စပြီဆိုတဲ့အချက်ကို ပူတင်အပါအဝင် နိုင်ငံတကာခေါင်းဆောင်တွေက ထုတ်ဖော်ပြောဆိုထားခြင်းမရှိသေးပါဘူး။ ရုရှားရေတပ်ရဲ့ ခရုစ်ဒုံးကျည်တင် စစ်သင်္ဘော Moskva နစ်မြုပ်အပြီးမှာ ရုရှနိုင်ငံပိုင် မီဒီယာတွေကနေ ပြင်းပြင်းထန်ထန် တုံ့ပြန်ပြောဆိုမှုတွေ ရှိနေတဲ့အထဲ Russia 1 ရဲ့ ရုပ်သံအစီအစဉ်တင်ဆက်သူ Olga Skabeyava က ပြောဆိုခဲ့ခြင်းသာဖြစ်ပါတယ်။
တတိယကမ္ဘာစစ် စတင်နေပြီလို့ ပြောကြားချက်ဟာ သတင်းဌာနရဲ့ အာဘော်သက်သက်သာဖြစ်ပြီး သမ္မတပူတင် ပြောဆိုထားတာမျိုး မရှိပါဘူး။ မူရင်းသတင်းတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။