ဒီအကြောင်းအရာကို သတင်းအမှားတွေ ဆက်တိုက်ဖြန့်ဝေနေတဲ့ Ly La ဆိုတဲ့ ဖေစ့်ဘွတ်ပေချ့်မှာ နိုဝင်ဘာလ ၁၅ ရက်နေ့ နေ့လည်ပိုင်းက စတင်ဖြန့်ဝေခဲ့တာဖြစ်ပြီး ထပ်ဆင့်ဖြန့်ဝေမှု အများအပြားလည်း ရှိနေပါတယ်။
ဖြန့်ဝေရာမှာ 'မီးတောက်ကုန်ပြီ။ အင်းတော်မြို့ကို ဝင်သိမ်းလိုက်ပြီ။ လေတပ်၊ အမြှောက်တပ် မီးကုန်ယမ်းကုန်။ D-day ဒုတိယလှိုင်း တကယ်စပြီ' လို့ ရေးသားကာ ၇ မိနစ်နီးပါရှိတဲ့ ဗွီဒီယိုဖိုင်နဲ့အတူ ဖြန့်ဝေထားတာပါ။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
စစ်ကိုင်းတိုင်း အင်းတော်မြို့နယ်အတွင်း နိုဝင်ဘာ ၁၃ နဲ့ ၁၄ ရက်တွေမှာ စစ်ကောင်စီတပ်နဲ့ KIA ၊ PDF တို့ကြား ၂ ရက်တိုင်တိုင် တိုက်ပွဲဖြစ်ပွားခဲ့ရာ စစ်ကောင်စီတပ်ဘက်က ၂၀ ကျော် သေဆုံးခဲ့တယ်လို့ ဒေသကာကွယ်ရေးတပ်မှ ထုတ်ပြန်ထားပါတယ်။
ဒါပေမယ့် အင်းတော်မြို့ကို ဝင်သိမ်းလိုက်တယ်ဆိုတဲ့အချက်နဲ့ D-day ဒုတိယလှိုင်း တကယ်စပြီဆိုတဲ့ အချက်တွေဟာ လုပ်ကြံရေးသားထားခြင်းသာ ဖြစ်ပါတယ်။
စစ်ကောင်စီတပ်နဲ့ KIA ၊ PDF တို့ အင်းတော်မြို့နယ် နန်းမကြိုင်ကျေးရွာအနီးမှာ နိုဝင်ဘာ ၁၃ ရက်နေ့ နံနက်ပိုင်းနဲ့ နိုဝင်ဘာ ၁၄ ရက်နေ့ ညနေပိုင်းတွေမှာ ကမ်းနီကျေးရွာထိပ်မှာ တစ်ကြိမ် ဖြစ်ပွားခဲ့တယ်လို့ ကချင်ဒေသသတင်းတွေ ရေးသားဖော်ပြလေ့ရှိတဲ့ Kachin News Group သတင်းဌာနမှာ ဖော်ပြထားပါတယ်။
ဒီ ၂ ရက် ဆက်တိုက်ဖြစ်ပွားခဲ့တဲ့ တိုက်ပွဲအကြောင်းကို အင်းတော်ဒေသ တော်လှန်ရေးအဖွဲ့ Indaw Revolution-IR ရဲ့ ဖေစ့်ဘွတ်ပေချ့်မှာလည်း နိုဝင်ဘာ ၁၄ ရက်နေ့ ညပိုင်းက ဖော်ပြထားပါတယ်။
သတင်းတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။