ဒီသတင်းအမှားကို Follower သိန်းကျော်ရှိနေတဲ့ Sai Saw Tun ဆိုတဲ့ ဖေစ့်ဘွတ်အကောင့်ကနေ ဩဂုတ်လ ၃ ရက်နေ့ ညနေပိုင်းမှာ စတင်ဖြန့်ဝေခဲ့တာဖြစ်ပြီး ထပ်ဆင့်ဖြန့်ဝေမှု အများအပြားလည်း ရှိနေပါတယ်။ ဖြန့်ဝေရာမှာ 'တိုက်လေယာဉ် ၈ စီး NUG ရသွားပြီ။ ရက်ပိုင်းပဲ သည်းခံကြပါ' လို့ ရေးသားထားတာ ဖြစ်ပါတယ်။
အချို့ဖြန့်ဝေမှုတွေမှာတော့ 'အမေရိကန်ကပေးတဲ့ တိုက်လေယာဉ် ၈ စီး ရောက်ပြီမို့ ရက်ပိုင်းပဲ သည်းခံကြလို့ သမ္မတကြီးမိန့်' လို့ ရေးသားကာ တစ်မိနစ်ခွဲခန့်ကြာမြင့်တဲ့ ဗွီဒီယိုဖိုင်နဲ့ အတူ ဖြန့်ဝေထားတာတွေလည်း ရှိပါတယ်။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။
သတင်းဆန်းစစ်ချက်
အခုဖြန့်ဝေနေတာတွေဟာ သတင်းအမှားတွေသာ ဖြစ်ပြီး NUG အစိုးရ သမ္မတအနေနဲ့ တိုက်လေယာဉ် ၈ စီး ရတယ်ဆိုတဲ့အကြောင်း ပြောကြားထားခြင်း မရှိသလို အမေရိကန်က တိုက်လေယာဉ်တွေပေးတယ်ဆိုတဲ့အကြောင်းအရာမျိုးလည်း သတင်းဌာနတွေမှာ ဖော်ပြထားတာမျိုး မရှိပါဘူး။
အမျိုးသားညီညွတ်ရေးအစိုးရရဲ့ ကာကွယ်ရေးဝန်ကြီးဌာနအနေနဲ့တော့ ဧပြီလအတွင်းက တစ်ကြိမ်၊ ယခုလ ၆ ရက်နေ့မှာ တစ်ကြိမ် စစ်ကောင်စီ အသုံးပြုနေတဲ့ လေယာဉ်၊ ရဟတ်ယာဉ်၊ တိုက်ရေယာဉ်၊ သံချပ်ကာယာဉ်တွေယူဆောင်လာပြီး ပူးပေါင်းပါက ဆုကြေးငွေ ထိုက်တိုက်တန်တန် ပေးမယ်လို့ ထုတ်ပြန်ကြေညာထားပါတယ်။ ဒါပေမယ့် တိုက်လေယာဉ်တွေ လက်ခံရရှိတယ်ဆိုတာတော့ ကြေညာထားတာ မရှိပါဘူး။
ကာကွယ်ရေးဝန်ကြီးဌာရဲ့ ကြေညာချက်ကို ဒီနေရာ မှာ ဝင်ရောက်ကြည့်ရှုု့နိုင်ပါတယ်။