ဒီဗီဒီယိုဖိုင်ကို Zaw Win ဆိုတဲ့ ဖေစ့်ဘွတ်အကောင့်မှာ ဇွန်လ ၂၂ ရက်နေ့က စတင်ဖြန့်ဝေခဲ့တာဖြစ်ပြီး ထပ်ဆင့်ဖြန့်ဝေသူနဲ့ ဝင်ရောက်ကြည့်ရှု့သူ အများအပြားလည်း ရှိနေပါတယ်။
ဖြန့်ဝေရာမှာ ကြာချိန် ၃၀ စက္ကန့်ခန့်သာ ရှိတဲ့ ဗီဒီယိုဖိုင်တစ်ခုနဲ့အတူ 'B2 ဗုံးကြဲလေယာဉ်အုပ်စု အနီးကပ် မြင်လိုက်ကြရသူ များ @အီရန်' လို့ ရေးသားဖြန့်ဝေထားတာပါ။
ဗီဒီယိုထဲမှာတော့ လူတွေစုဝေးနေတဲ့ ကမ်းခြေတစ်ခုပေါ်ကနေ အမေရိကန် စစ်ဘက်ဆိုင်ရာ လေယာဉ်အုပ် ဖြတ်ပျံ သွားတာကို ရိုက်ကူးထားတဲ့ ပုံရိပ်တေွ မြင်တွေ့ရပါတယ်။
ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ဝင်ရောက်ကြည့်ရှု့နိုင်ပါတယ်။
သတင်းဆန်းစစ်ချက်
ဒီဗီဒိုယိုဖိုင်ထဲက အကြောင်းအရာကို Boom Myanmar က အချက်အလက် စစ်ဆေး ကြည့်တဲ့အခါ လုပ်ကြံရေးသား ထားတဲ့ ဗီဒီယိုဖိုင်အတု ဖြစ်တာကို တွေ့ရပါတယ်။
ဖြန့်ဝေထားတဲ့ ဗီဒီယိုဖိုင်ဟာ အမေရိကန်နိုင်ငံ၊ ဖလော်ရီဒါပြည်နယ်၊ မိုင်ယာမီကမ်းခြေမှာ မေလအတွင်းက ပြုလုပ်ခဲ့တဲ့ Hyundai Air & Sea Show နှစ်ပတ်လည် ပြပွဲဖြစ်ပါတယ်။
ဒီပွဲမှာ အမေရိကန် စစ်တပ်ရဲ့ ကြည်း၊ ရေ၊ လေတပ်၊ မရိန်းတပ်၊ ကမ်းခြေစောင့်တပ်နဲ့ အခြားစစ်အင်အားတွေ ပါဝင် ပြသခဲ့တာဖြစ်ပြီး မေလ ၂၄ ရက်ကနေ ၂၅ ရက်အထိ ကျင်းပခဲ့တာပါ။
ဒီနေရာ မှာ ဝင်ရောက် ကြည့်ရှုနိုင်ပါတယ်။
Hyundai Air & Sea Show နှစ်ပတ်လည်ပွဲနဲ့ ပတ်သက်ပြီး ဖလော်ရီဒါပြည်နယ် တောင်ပိုင်းအခြေစိုက် NBC6 မီဒီယာမှာလည်း ဖော်ပြပေးထားတဲ့အတွက် ဒီနေရာ ကနေ အပြည့်အစုံးဝင်ရောက် ကြည့်ရှု့နိုင်ပါတယ်။