အဆိုပါ သတင်းအတုကို ရဲခေါင်ကျော်စွာဆိုတဲ့ ဖေ့စ်ဘွတ်အကောင့်က ဩဂုတ်လ ၂၈ ရက်နေ့က ဖြန့်ဝေထားတာဖြစ်ပြီး သတင်းအမှားထဲမှာ " ကနီမြို့နယ် တောတွင်းPDFစခန်းမှ တွက်ပြေးလာသည့် PDF ၅ ဦးအား ကျန်PDFများကလိုက်လံရှာဖွေပြီး ၅ဦးစလုံးအားသတ်ပစ်။ ၎င်းတို့အားလိုက်ပို့ပေးသည့် ကားကြုံကိုပါမီးရိူ့ဖျက်စီးသွားသည်။ ကနီမြို့ ချောင်းမအနောက်ရွာ အနီးဒေသခံများထံမှ သတင်းရရှိ" (မူရင်းဖော်ပြထားသည့်အတိုင်း) လို့ရေးသားထားပါတယ်။
မူရင်းရေးသားဖြန့်ဝေမှုကို ဒီနေရာ ၊ ဒီနေရာ နဲ့ ဒီနေရာမှာ ကြည့်ပါ။
အဆိုပါ သတင်းအမှားကို Like လုပ်ထားသူ ၂၀၀ ကျော်နဲ့ ထပ်ဆင့်ဝေမျှထားသူ ၁၀၀ ကျော်ရှိကာ တစ်ခြားဖေ့စ်ဘွတ်အကောင့်တွေကလည်း ကူးယူဖော်ပြနေကြပါတယ်။
သတင်းဆန်းစစ်ချက်
ကနီမြို့နယ်မှာ တောထဲ PDF စခန်းက ထွက်ပြေးလာတဲ့ PDF တွေကို ကျန်တဲ့ PDF တွေက လိုက်လံဖမ်းဆီးပြီး သတ်ပစ်တယ်ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ လုပ်ကြံရေးသားထားတဲ့ သတင်းအတု ဖြစ်တာကို တွေ့ရပါတယ်။
အဆိုပါ သတ်ခံထားရတဲ့ PDF ၅ ဦးဟာ ဩဂုတ်လ ၂၇ ရက်နေ့က ကနီမြို့နယ် ချောင်းမကျေးရွာ မြောက်ဘက် သင့်ဝင်ရွာ၊ မင်းမရွာ၊ ကျွဲသောက်ကန်ရွာဘက် ကို စစ်ကြောင်းထိုးလာတဲ့ စစ်ကောင်စီတပ်တွေရဲ့ သတ်ဖြတ်ခြင်းကို ခံခဲ့ရတာ ဖြစ်ပါတယ်။
ကနီမြို့နယ် ချောင်းမရွာကို စစ်ကြောင်းထိုးလာတဲ့ စစ်ကောင်စီတပ်တွေဟာ အဆိုပါ PDF ၅ ဦးကို သတ်ဖြတ်ခဲ့တဲ့အပြင် ကားတွေကိုလည်း မီးရှို့ဖျက်ဆီးခဲ့တယ်လို့ ဒေသခံတွေနဲ့ ယင်းမာပင် PDF ခေါင်းဆောင် ဗိုလ်သူရိန်က DVB သတင်းဌာနကို ဖြေကြားထားပါတယ်။
ကနီမှာ PDF ၅ ဦး အသတ်ခံရတဲ့ သတင်းကို ဒီနေရာမှာ ဖတ်ပါ။
သတင်းအမှားဖြန့်ထားတဲ့ ဖေ့စ်ဘွတ်အကောင့်တွေကို ဝင်ရောက် စစ်ဆေးကြည့်တဲ့အခါ စစ်တပ်ကို ထောက်ခံအားပေးတဲ့ ဝါဒဖြန့်သတင်းတွေ PDF တွေကို တိုက်ခိုက်ထားတဲ့ သတင်းအမှားတွေ ဖြန့်လေ့ရှိတာကို တွေ့ရပါတယ်။