Video အဟောင်းကို အသုံးပြုပြီး ဖြန့်ဝေထားတဲ့ သတင်းအတု

အဆိုပါ Video ကို "မင်္ဂလာရှိသောအရပ်" ဆိုတဲ့ နာမည်နဲ့ ပြုလုပ်ထားတဲ့ ဖေ့စ်ဘွတ်အကောင့်က ဩဂုတ်လ ၂၀ ရက်နေ့ နေ့ခင်း ၂ နာရီ ၄၀ မိနစ်မှာ တင်ထားတာဖြစ်ပြီး Video ရဲ့အပေါ်မှာ "Fb တင်ရင် ban လို့ Cb ကနေ လက်ဆင့်ကမ်းပေးကြပါ။ မင်းတပ်မှာ ယုတ်မာနေကြပြီ" လို့ ရေးတင်ထားပါတယ်။

အဲ့ဒီ Video ဟာ ၁ မိနစ်နဲ့ ၁၁ စက္ကန့်ကြာမြင့်ပြီး Video ထဲမှာ မီးခိုးတွေ မီးလောင်ထားတဲ့ နေရာမှာ လူတစ်ယောက်က တခြားလဲကျနေသူတွေ လက်နက်ကြီးထိမှန်ပြီး လဲကျနေသူတွေဆီကို ကယ်ဆယ်ဖို့ သွားနေတာကို ရိုက်ထားတာ ဖြစ်ပါတယ်။ အဲ့ဒီ Video ကို ပြန်လည်ဖြန့်ဝေသူက စစ်တပ်ထောက်ခံသူတစ်ဦးဖြစ်တာကို တွေ့ရပြီး မင်းတပ်မြို့က Gen Z တွေ သေနေတယ်လို့ ဆိုကာ လှောင်ပြောင် ဖြန့်ဝေရေးသားမှု ပြုလုပ်ထားပါတယ်။

အဆိုပါ Video ကို Like လုပ်ထားသူ ၃၀၀ ကျော်နဲ့ ထပ်ဆင့်ဝေမျှထားသူ ၄၀၀ ကျော်ရှိနေပါတယ်။မူရင်း ဖြန့်ဝေမှုကို ဒီနေရာမှာ ကြည့်နိုင်ပါတယ်။

သတင်းဆန်းစစ်ချက်

လူမှုကွန်ယက်ပေါ်မှာ ဖြန့်ဝေထားတဲ့ မင်းတပ်မြို့က Gen Z တွေ ဆိုတဲ့ အကြောင်းအရာကို Boom Myanmar က အချက်အလက် စစ်ဆေးကြည့်တဲ့အခါ မူရင်းဖြစ်စဉ်ဟာ မတ်လ ၃၀ ရက်နေ့က KNU တပ်မဟာ (၃) နယ်မြေမှာဖြစ်ခဲ့တဲ့ဖြစ်စဉ်ဖြစ်ပြီး ကရင်ငြိမ်းချမ်းရေးကောင်စီ (KNU/KNLA-PC) နဲ့ ရွှေဓနထွန်းလင်းသတ္တုတူးဖော်ရေး ကုမ္ဗဏီလီမိတတ်တို့ ပူးပေါင်းပြီး ရွှေသတ္တုတူးဖော်ရေးများ လုပ်ကိုင်နေသည့် နေရာကို စစ်တပ်ကတိုက်လေယာဉ်တစ်စီးနဲ့ ဗုံးကြဲတိုက်ခိုက်ခဲ့တဲ့ Video ဖြစ်တာကို တွေ့ရပါတယ်။

ဒီလို ဗုံးကြဲချခဲ့တဲ့ အတွက် ရွှေသတ္တုတူးဖော်ရေး လုပ်ငန်းမှာ လုပ်ကိုင်နေတဲ့ အရပ်သား စုစုပေါင်း (၁၁) ဦး သေဆုံးပြီး ၅ ဦး ဒဏ်ရာ ၇ရှိခဲ့ပါတယ်။ အဆိုပါ Video ဟာ မင်းတပ်မြို့က မဟုတ်သလို Gen Z တွေလည်း မဟုတ်ပါဘူး။ ရွှေကျင်နေတဲ့ အရပ်သားတွေသာ ဖြစ်ပါတယ်။

စစ်တပ်က ဗုံးကြဲခဲ့တဲ့ အကြောင်းကို ဧရာဝတီသတင်းဌာနက ဖော်ပြခဲ့တဲ့ သတင်းနဲ့ RFA သတင်းဌာနက ဖော်ပြခဲ့တဲ့ သတင်းတွေကို အောက်ပါ Link မှာ ဖတ်ပါ။

KNU ရွှေတူးဖော်ရေးလုပ်ကွက်ကို စစ်တပ်ဗုံးကျဲ၊ အရပ်သား ၇ ဦး သေဆုံး

KNU နဲ့ KIA နယ်မြေတွေမှာ စစ်ကောင်စီတပ်နဲ့ တိုက်ပွဲတွေဖြစ်