ဇူကာဘက်က သတိပေးထားတယ်ဆိုတဲ့ သတင်းအတု

ဒီရက်ပိုင်းထဲ ဖေ့စ်ဘွတ်အကောင့်တွေလုံခြုံဖို့ ဆိုတဲ့ခေါင်းစဉ်နဲ့ အကြောင်းအရာတစ်ခုပျံံ့နှံ့နေပြီး အဲ့ဒီပို့စ်မှာပါတဲ့ အချက်အလက်တွေဟာ ဖန်တီးရေးသားထားတဲ့အကြောင်းအရာတစ်ခုသာဖြစ်ကြောင်း Boom Myanmar ကဝေမျှလိုပါတယ်။

ဒီ အကြောင်းအရာဟာ ၂၀၁၆ ခုနှစ်ကတည်းကရေးသားထားတဲ့ ပို့စ်တစ်ခုဖြစ်ပေမယ့် ဒီရက်ပိုင်းထဲမှာထပ်ဆင့်ဝေမျှမှူတွေရှိနေတာကြောင့် ထပ်မံပျံ့နှံ့နေပါတယ်။ ဒီအကြောင်းအရာကို စစ်နိုင်ဆိုတဲ့ ဖေ့စ်ဘွတ်အကောင့်ပိုင်ရှင်က ရေးတင်ထားတာ ဖြစ်ပါတယ်။

သူ့ရဲ့ပို့စ်မှာတော့ ဖေ့စ်ဘွတ်ပေါ်မှာ Hacker တွေရဲ့ အန္တရာယ်က လွတ်အောင် Mark Zukerburg က BFF ဆိုတဲ့ စာလုံးကို ပြုလုပ်ထားကြောင်း၊ ပိုစ့်ကို Share ပြီး ကွန်မန့်မှာ BFF လို့ ရိုက်ထည့်လိုက်လို့ အစိမ်းရောင် ပြောင်းသွားပြီး အဲ့ဒီလိုရိုက်လိုက်ရုံနဲ့ မိမိရဲ့ ဖေ့စ်အကောင့်က လုံခြုံနေပြီး အကယ်၍ အစိမ်းရောင် မပြောင်းသွားရင် Password မြန်မြန်ချိန်းပစ်ဖို့ Mark Zukerberg ကိုယ်တိုင် ပြောဆိုထားတယ်ဆိုပြီးလုပ်ကြံရေးသားထားတာဖြစ်ပါတယ်။

ဒီအကြောင်းအရာကို အပျော်သဘောနဲ့ တဆင့်ပြန်လည်ဝေမျှသူတွေ ရှိသလို အကောင့်လုံခြုံရေး စမ်းသပ်ဖို့ BFF ဆိုတဲ့ စကားလုံးကို ရိုက်ထည့်ပြီး တဆင့်ပြန်လည်ဝေမျှသူတွေလည်း အခုထိ ရှိနေပါတယ်။

မူရင်းရေးသားထားတဲ့ သတင်းအတုကို ဒီမှာ ကြည့်ပါ။

သတင်းဆန်းစစ်ချက်

တကယ်တော့ ဒီစာလုံးလေးတွေဟာ ဖေ့စ်ဘွတ်အသုံးပြုသူတွေကြားမှာ တစ်ဦးနဲ့ တစ်ဦး စိတ်ခံစားချက်တွေ ပျော်ရွှင်ကြည်နူး ဝမ်းသာမှုတွေကို ဖော်ပြဖို့ ဖေ့စ်ဘွတ်က ပြုလုပ်ပေးထားတဲ့ Facebook Text Delights words ဆိုတဲ့ဝန်ဆောင်မှူသာ ဖြစ်ပါတယ်။

ဖေ့စ်ဘွတ်က အသုံးပြုဖို့ ပေးထားတဲ့ "BFF, Bset Wishes, Imao, Congrats, Congratulations, Thank you so much, You're the best, You've got this, You got this, You can do it, Rad, Radness, Wonderful time, Xo, Xoxo, Xoxoxo" စတဲ့ စကားလုံးတွေကို ဖေ့စ်ဘွတ်ပေါ် ရိုက်ထည့် လိုက်ရင် အရောင်ပြောင်းသွားပြီး ဘောလုံးလေးတွေ၊ အသည်းပုံလေးတွေ၊ ကြယ်လေးတွေ၊ လက်ခုပ်တီးနေတဲ့ပုံလေးတွေ၊ Emojis လေးတွေဟာ Animation အဖြစ် ပြောင်းသွားပါတယ်။

ဒီစကားလုံးလေးတွေ အရောင်ပြောင်းသွားပုံကို ဒီမှာ ကြည့်ရှု့နိုင်ပါတယ်။

ဒါကြောင့် ဒီစကားလုံးလေးတွေဟာ ဖေ့စ်ဘွတ်အကောင့် လုံခြုံရေးကို စစ်ဆေးပေးတဲ့လုပ်ဆောင်ချက်မဟုတ်ပါဘူး။

မိမိရဲ့ ဖေ့စ်ဘွတ် အကောင့်ကို တခြားသူ hack လို့ မရအောင် မိမိရဲ့ Password ကို မိမိရဲ့ နာမည်ပြန်ထားခြင်း၊ မိမိရဲ့ မွေးနေ့ ကိန်းဂဏာန်းများ ထားရှိခြင်း၊ မိမိ password ကို တခြားသူများအား အသိပေးခြင်း တို့ကို ရှောင်ရှားသင့်ပါတယ်။ ဒါ့အပြင် မိမိ ဖေ့စ်ဘွတ်အကောင့် လုံခြုံရေး ပိုကောင်းချင်ရင် Two-factor authentication လုပ်ထားပြီး အကောင့်ခိုးယူမှူတွေကနေ ကာကွယ်နိုင်ပါတယ်။

Updated On: 2020-04-08T19:09:14+05:30
Claim Review :   Facebook ပေါ်က Text Delights words တွေဟာ အကောင့်ရဲ့ လုံခြုံရေးကို စစ်ဆေးပေးနိုင်တဲ့ စကားလုံးတွေ မဟုတ်ကြောင်း Boom Myanmar က အချက်အလက်တွေ စုစည်းပေးထားပါတယ်။
Claimed By :  Facebook
Fact Check :  False
Show Full Article
Next Story