အင်းစိန်တောင်သူကုန်း စျေးကို Lock Down ချမယ်ဆိုတဲ့ သတင်းအမှား

Covid-19 တွေ့ရှိခဲ့တဲ့ တောင်သူကုန်းရပ်ကွက် အနီးက စျေးကို Lock Down ချမယ်ဆိုပြီးရေးသားထားတဲ့ ဖေ့စ်ဘွတ်ပိုစ့်ဟာ သတင်းအမှားပဲ ဖြစ်ပါတယ်။

ဒီသတင်းအမှားကို Ko Thu Wai ဆိုတဲ့ ဖေ့စ်ဘွတ်အကောင့်ကနေ မတ်လ ၂၅ ရက်နေ့မှာ စတင်ရေးသားခဲ့တာ ဖြစ်ပြီး လက်ရှိမှာ တဆင့်ဝေမျှသူ ၁၂ဝဝ ကျော်ရှိနေသလို ထပ်ဆင့်လည်း ဝေမျှနေကြဆဲ ဖြစ်ပါတယ်။

အထက်ပါ ဖေ့စ်ဘွတ်ပို့စ့်နဲ့ပတ်သက်ပြီး ဒီသတင်းဟာ သတင်းအမှား သက်သက်သာဖြစ်ပြီး အင်းစိန်မြို့နယ်က စျေးတွေ ပုံမှန်အတိုင်း ဖွင့်လှစ်ရောင်းချနေဆဲ ဖြစ်ပါတယ်။ဒီသတင်းအမှားကိုစစ်ဆေးဖို့ Boom Live Myanmar အဖွဲ့က အင်းစိန်မြို့နယ် စည်ပင်သာယာရေးကော်မတီ လက်ထောက်ကြီးကြပ်ရေးမှူး ဦးနေဝင်းသိန်း ကို ဆက်သွယ်မေးမြန်းခဲ့ရာမှာတော့ သတင်းအမှားသက်သက်သာဖြစ်ပြီး စျေးကို ပိတ်သိမ်းထားခြင်းမရှိဘူးဆိုတာအတည်ပြုထားပါတယ်။

အင်းစိန်မြို့နယ် တောင်သူကုန်း ရပ်ကွက်စျေးကို ပိတ်ထားခြင်းမရှိသလို ၅ ရက်ခန့် ပိတ်မယ်ဆိုတဲ့ သတင်းတွေ ဟာ သတင်းအမှားတွေသာ ဖြစ်ပါတယ်လို့ ဆိုပါတယ်။

လက်ရှိအင်းစိန်မြို့နယ်မှာ တတိယမြောက် Covid-19 ရောဂါပိုးတွေရှိခဲ့သူ နေထိုင်တဲ့ လမ်းကိုသာ အသွားအလာပိတ်ထားပြီး တာဝန်ရှိသူတွေ စောင့်ကြည်နေတဲ့အပြင် စျေးတွေထဲမှာ ကျန်းမာရေးအသိပညာပေးတာတွေ ပိုးသတ်ဆေးဖြန်းတာတွေ ဆက်လက်လုပ်ဆောင်နေပါတယ်။

Updated On: 2020-03-30T23:01:28+05:30
Claim Review :   အင်းစိန်မြို့နယ် တောင်သူကုန်း ရပ်ကွက်စျေးကို ပိတ်ထားခြင်းမရှိသလို ၅ ရက်ခန့် ပိတ်မယ်ဆိုတဲ့ သတင်းတွေ ဟာ သတင်းအမှားတွေသာ ဖြစ်ပါတယ်လို့ ဆိုပါတယ်။
Claimed By :  Ko Thu Wai Facebook
Fact Check :  False
Show Full Article
Next Story