ပုံဟောင်းအသုံးပြု ဖြန့်ဝေနေတဲ့ သတင်းအမှား

ရဲတပ်ဖွဲ့ဝင်တွေ လိုက်လိုက်စစ်ဆေးနေတဲ့ ပုံတွေကို အသုံးပြုပြီး စုံတွဲတွေကို နှာခေါင်းစည်း တပ်ဆင်ထားရန်နဲ့ ပူးကပ်မနေစေရန် လိုက်လံသတိပေးဆိုပြီး ရေးသားဖြန့်ဝေနေမှုဟာ သတင်းဟောင်းသာဖြစ်ပါတယ်။

ဒီသတင်းကို Myohla Village ဆိုတဲ့ ဖေစ့်ဘွတ်ပေချ့်က ဒီဇင်ဘာလ ၂၉ ရက်နေ့ နေ့လည် ၁၂ နာရီဝန်းကျင်ခန့်မှာ ဖြန့်ဝေခဲ့တာဖြစ်ပြီး ၂၄ နာရီအတွင်း ထပ်ဆင့်ဖြန့်ဝေသူ တစ်ထောင့် ရှစ်ရာခန့် ရှိခဲ့ပါတယ်။ ဖြန့်ဝေရာမှာ ရဲတပ်ဖွဲ့ဝင်အများအပြားက လိုက်လံစစ်ဆေးနေတဲ့ ပုံတွေကို အသုံးပြုပြီး "မိတ္တီလာတွင် ချိန်းတွေ့နေသော အတွဲများကို နှာခေါင်းစည်းများ တပ်ထားရန်နှင့် တစ်ဦးနှင့်တစ်ဦး ပူးကပ်မနေဘဲ ခပ်ခွာခွာနေရန် လိုက်လံသတိပေးပြောကြား" ဆိုပြီး ရေးသားထားတာပါ။

ရေးသားဖြန့်ဝေမှုကို ဒီနေရာ မှာ ကြည့်ရှု့နိုင်ပါတယ်။

သတင်းဆန်းစစ်ချက်

ဒီသတင်းပါ ဓါတ်ပုံတွေကို ၂၀၂၀ ခုနှစ် ဧပြီလ ၂၁ ရက် အစောဆုံး အွန်လိုင်းပေါ်မှာ တွေ့ရတာဖြစ်ပြီး ရွှေမောင်မောင်(မိတ္တီလာ) ရေးသားတင်ပြခဲ့တဲ့ "အတွဲများအား နှာခေါင်းစည်းများတပ်ရန်နှင့် ခွါထိုင်ရန် အသိပေး" ဆိုတဲ့ သတင်းက ဓါတ်ပုံတွေဖြစ်ပါတယ်။

ဒီသတင်းကို မိတ္တီလာနဲ့ သက်ဆိုင်တဲ့ ဖေစ့်ဘွတ်ပေချ့်တွေ ဝက်ဘ်ဆိုက်တွေမှာ ဧပြီလအတွင်းက တင်ထားတာ တွေ့ရပါတယ်။


သတင်းထဲမှာ မန္တလေးတိုင်းဒေသကြီး မိတ္တီလာမြို့နယ်မှာ Covid19 ရောဂါကာကွယ်ရေး လုပ်ငန်းတွေကို အားကစားနှင့် ကျမ်းမာရေးဝန်ကြီးဌာနရဲ့ ညွှန်ကြားချက်များနှင့် အညီ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ် စည်ပင်သာယာရေး၊ ခရိုင်/မြို့နယ် ရဲတပ်ဖွဲ့ဝင်များ၊ လူမှုကူညီရေးအသင်းအဖွဲ့အစည်းများမှ သက်ဆိုင်ရာ ကျန်းမာရေးဌာနဝန်ထမ်းများနှင့် ပူးပေါင်းပြီး နေ့စဉ် အရှိအဟုန်မြှင့်ဆောင်ရွက်နေကြောင်း ရေးသားထားတာပါ။

သတင်းတွေကို ဒီနေရာ နဲ့ ဒီနေရာ တွေမှာ ဖတ်ရှု့နိုင်ပါတယ်။

Claim :   ရဲတပ်ဖွဲ့ဝင်တွေ လိုက်လိုက်စစ်ဆေးနေတဲ့ ပုံတွေကို အသုံးပြုပြီး စုံတွဲတွေကို နှာခေါင်းစည်း တပ်ဆင်ထားရန်နဲ့ ပူးကပ်မနေစေရန် လိုက်လံသတိပေးဆိုပြီး ရေးသားဖြန့်ဝေနေမှုဟာ သတင်းဟောင်းသာဖြစ်ကြောင်း BOOM က တင်ပြထားပါတယ်။
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.