လူမှုကွန်ရက်မှာဖြန့်ဝေထားတဲ့ အရေးပေါ်ဖုန်းနံပတ်တွေက တကယ်အလုပ်ဖြစ်သလား
အရေးပေါ်အခြေအနေတွေမှာ ဖမ်ဆီး၊ ခြိမ်းခြောက်ခံရတာတွေရှိရင် ဆက်သွယ်ပြောဆိုလို့ရတယ်ဆိုပြီး ဒီဖြန့်ဝေထားတဲ့ အဖွဲ့အစည်းတွေနဲ့ သတင်းထောက်တချို့ရဲ့ဖုန်းနံပတ်တွေထဲမှာ အမှားအယွင်းတွေပါဝင်နေသလို ဖုန်းအများစုဟာလည်းဆက်သွယ်မရနိုင်တဲ့ဖုန်းနံပတ်တွေသာဖြစ်နေပါတယ်။
မူရင်းရေးသားသူမသိရတဲ့ ဒီဖြန့်ဝေမှုဟာ ဆန္ဒပြလှုပ်ရှားမှုတွေကို ပံ့ပိုးကူညီသူတွေနဲ့ လူမှုကွန်ရက်အကောင့်တွေမှာ အဆင့်ဆင့်ဖြန့်ဝေကြတာဖြစ်ပြီး ထပ်ဆင့်ဖြန့်ဝေသူ အများအပြားလည်း ရှိနေပါတယ်။ဒီလိုဖြန့်ဝေရာမှာ "ကိုယ့်မိသားစုဝင်တွေ ဖမ်းခံရ၊ ခြိမ်းခြောက်ခံရတာရှိရင် ဒီသတင်းဌာနကို ပြောလို့ရပါတယ်။" လို့ ရေးသားထားပြီး VOA၊ RFA နဲ့ BBC သတင်းဌာနက သတင်းသမားတွေရဲ့ ဖုန်းနံပါတ်တွေနဲ့ နိုင်ငံတကာအဖွဲ့အစည်းတွေမှာတာဝန်ယူထားသူဆိုသူတွေရဲ့ဖုန်းနံပတ်တွေဆိုတာကို ရေးသားထားတာပါ။
ဒီအကြောင်းအရာတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
ဒီရေးသားမှုမှာပါဝင်တဲ့ အဖွဲ့အစည်းတွေရဲ့ဖုန်းနံပတ်တွေအပေါ်စိစစ်ဖို့ ဖုန်းနံပါတ်တွေကို ဆက်သွယ်ကြည့်တဲ့အခါပါဝင်တဲ့ ဖုန်းအကုန်လုံးက စက်ပိတ်ထားတာကြုံရပါတယ်။
ဒီဖြန့်ဝေမှုမှာ သူမနံပတ်ပါဝင်နေတဲ့ BBC က မအိမ့်ခိုင်ဦးကို BOOM က ဆက်သွယ်မေးမြန်းရာမှာ " ဒီဖြန့်ဝေနေမှုတွေက မဟုတ်ပါဘူး။ ကျွန်မတို့လည်း အဲ့လိုပြောထားတာ မရှိပါဘူး။ အခုလို ပြန့်သွားတဲ့အတွက် ညထဲက ဖုန်းကိုပိတ်ထားလိုက်ရတယ်။" လို့ ပြန်လည်ဖြေကြားထားပါတယ်။
အလားတူဖြန့်ဝေမှုမှာပါဝင်တဲ့ UN၊ ICRC စတဲ့အဖွဲ့အစည်းတွေက ပုဂ္ဂိုလ်ဆိုသူတွေရဲ့ဖုန်းတွေကလည်း ဆက်သွယ်မရနိုင်တဲ့ဖုန်းတွေသာဖြစ်ပြီးဖုန်းအားလုံးဟာစက်ပိတ်ထားကြပါတယ်။
လက်ရှိပြည်တွင်းက လူမှုကွန်ရက်မှာဖြန်ံဝေကြတဲ့ပို့စ်တွေထဲမှာ ပါလေ့ရှိတဲ့ UN ရုံးကမြန်မာစကားပြောဆိုတတ်တဲ့ဆရာမ မီချီကိုဆိုတာတကယ်ရှိမရှိဆိုတာနဲ့ပတ်သက်လို့လည်း Boom က ရန်ကုန် UN ရုံးက သတင်းပြန်ကြားရေးတာဝန်ရှိသူကို ဆက်သွယ်မေးမြန်းခဲ့ပေမယ့် အဆိုပါအမျိုးသမီးတကယ်ရှိမရှိနဲ့ သူနဲ့ပတ်သက်တဲ့သတင်းအချက်အလက်တွေကိုထုတ်ပြန်ပြောဆိုခြင်းမရှိသလို အဆိုပါအမျိုးသမီးကိုဆက်သွယ်နိုင်တယ်ဆိုတဲ့ထုတ်ပြန်ပြောဆိုမှုတွေကိုလည်း UN ရုံးရဲ့ဝဘ်ဆိုက်နဲ့ လူမှုကွန်ရက်မှာလည်းသတင်းထုတ်ပြန်ထားတာမျိုးမရှိပါဘူး။