စစ်တွေ အကျဉ်းထောင်မှာ ကိုရိုနာဗိုင်းရပ်စ်တွေ့ပြီဆိုတဲ့ သတင်းအမှား

ဒီသတင်းကိုဘယ်သူဘယ်ဝါမှန်းမသိပဲ အကောင့်ပိုင်ရှင်ရဲ့ ဓါတ်ပုံတောင် ဖေါ်ပြမထားတဲ့ တိုက်တိုင်းအောင် ဆိုတဲ့ဖေ့စ်ဘွတ်အကောင့်ကနေ မတ်လ ၂၄ ရက်နေ့မှာ စတင်ရေးသားခဲ့တာဖြစ်ပြီး လက်ရှိအချိန်ထိ ထပ်ဆင့်ဝေမျှမှူ ( Share ) ပြုလုပ်သူ ၃၀၀ ကျော် ရှိနေပါတယ်။

အဆိုပါ သတင်းအမှားကို လက်ရှိအချိန်မှာ တဆင့်ပြန်လည် မျှဝေသူ ၃၀၀ ကျော်ရှိနေပြီး ဆက်လက် ဖြန့်ဝေလျှက်ရှိနေပါတယ်။

ဒီသတင်းဘာကြောင့်မှားသလဲ

ယခုပို့စ်ရေးသားတဲ့ လက်ရှိအချိန် မတ်လ ၂၅ ရက်နေ့လည် အထိ မြန်မာတစ်နိုင်ငံလုံးမှာ Covid-19 ရောဂါတွေ့ရှိထားတာ စူစူပေါင်းသုံးယောက်သာရှိနေသေးပြီးအဲ့ဒီထဲမှာ ရခိုင်ဒေသကတစ်ဦးတစ်ယောက်မှ မပါဝင်သေးပါဘူး။ ကျန်းမာရေးနဲ့ အားကစားဝန်ကြီးဌာနရဲ့ထုတ်ပြန်ချက်တွေကို ဒီလင့်တွေမှာဝင်ကြည့်ပါ။

အဲ့ဒီ Facebook ပို့စ်မှာ အကျဉ်းသားတစ်ဦး ရုတ်တရက် လဲကျသေဆုံးတာကိုတွေ့ရှိကြောင်း အခြားအကျဉ်းသားများစစ်ဆေးကြည့်ရာ ဝူဟန်(ကိုရိုနာ) သံသယ လူနာများ

ထပ်မံတွေ့ရှိခဲ့ကြောင်းတွေထည့်သွင်းရေးသားထားပေမယ့်ဒီသတင်းကိုအတည်ပြုမယ့် တာဝန်ရှိသူ တစ်ဦးတစ်ယောက်ရဲ့နာမည်ကိုတော့ထည့်သွင်းရေးသားထားတာမရှိပါဘူး။

အလားတူပဲ အကျဉ်းထောင်ကို နိုင်ငံတကာအဖွဲ့အစည်းတွေလာရောက်ပြီး ရောဂါဖြစ်ပွားသူကို ရန်ကုန်ကို သယ်ဆောင်သွားမှာဖြစ်ကြောင်း စစ်တွေအကျဉ်းထောင်ကို ဆေးလာဖြန်းမှာ

ဖြစ်ကြောင်းစတာတွေရေးထားပေမယ့်လည်း ဘယ်သတင်းဌာန ဘယ်တာဝန်ရှိအဖွဲ့အစည်းကိုမှကိုးကားရေးသားထားတာမဟုတ်ပါဘူး ။

အဲ့ဒီအပြင်အခုရေးသားဝေမျှထားတဲ့စစ်တွေအကျဉ်းထောင်မှာကိုရိုနာဗိုင်းရပ်စ်တွေ့ရှိတယ်ဆိုတဲ့အ ကြောင်းအရာကို ဘယ်ဌာနကမှတရားဝင်ထုတ်ပြန်ထားတာမျိူးမရှိသေးပါဘူး။

ဒါကြောင့်အကြောင်းအရာဟာ သတင်းအမှားသက်သက်သာဖြစ်ပါတယ်။

ကိုရိုနာဗိုင်းရပ်စ်တွေ့ရှိတဲ့သတင်းတွေကို ကျန်းမာရေးနဲ့အားကစားဝန်ကြီးဌာန၊ ပြန်ကြားရေးဝန်ကြီးဌာန သမ္မတရုံး၊ နိုင်ငံတော်အတိုင်ပင်ခံရုံး၊စတဲ့ဌာနတွေက ဆက်တိုက်ထုတ်ပြန်နေပြီး

အဲ့ဒီကထုတ်ပြန်တဲ့အချက်အလက်တွေကိုသာ သတင်းမှန်အဖြစ်နဲ့လက်ခံယုံကြည်ရမှာဖြစ်ပါတယ်။

Tags