ဘဏ်အပ်နှံငွေတွေထုတ်ထားဖို့ဆိုတဲ့ ကောလဟာလ သတင်းအမှား

နိုင်ငံရေးမတည်ငြိမ်စေဖို့နဲ့ ရွေးကောက်ပွဲကို နှောင့်ယှက်ဖို့ဖန်တီးကြတဲ့ သတင်းအတုသတင်းမှားတွေထဲမှာဘဏ်တွေနဲ့ပတ်သက်တဲ့ကောလဟာလဖြန့်ဝေတာတွေလည်းပါဝင်ပါတယ်။

သတင်းအတုဒီရက်ပိုင်းထဲမှာပဲဘဏ်တွေမှာ အပ်နှံထားတဲ့ငွေတွေထုတ်ယူဖို့သတိပေးတဲ့ပို့စ်တစ်ခုကို လူပေါင်း ခုနှစ်ထောင်ကျော်လောက်ကဝေမျှနေကြပါတယ်။

ဖိုးမှန်ဆိုတဲ့အကောင့်က ရေးသားထားတဲ့ဒီဖေ့စ်ဘွတ်ပို့စ်မှာ စာကြောင်းတစ်ကြောင်းတည်းသာ ရေးသားထားတာဖြစ်ပါတယ်။ အောက်မှာဖတ်ရှုပါ။

"ဘဏ်တွင်အပ်နှံထားသောငွေများ ရှိပါက ထုတ်ယူထားကြပါ။ အရေးကြီးတယ်လို့ ကနဦး သိရတယ်ဗျ။" ဆိုပြီး ရေးသားဖြန့်ဝေခဲ့တာပါ။ ရေးသာဖြန့်ဝေမှုကို ဒီနေရာ မှာ ကြည့်ရှု့နိုင်ပါတယ်။

သတင်းဆန်းစစ်ချက်

လူပေါင်း ခုနှစ်ထောင်ကျော်ဝေမျှထားတဲ့ Post ကို မစိစစ်ခင် ဒီပိုစ့်ကို ရေးသားဖြန့်ဝေခဲ့တဲ့ ဖိုး မှန် ဆိုတဲ့ အကောင့်ကိုလေ့လာရာမှာ အဆိုပါအကောင့်ဟာ NLD ပါတီနဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်အား တိုက်ခိုက်တဲ့ ရေးသားချက်အများအပြား ဖြန့်ဝေထားတာကို တွေ့ရပါတယ် ။ အဲ့ဒီအပြင် မှားယွင်းနေတဲ့သတင်း အများအပြားလည်းဝေမျှထားတာတွေ့ရပါတယ်။

ယခုအကောင့်မှာရေးသားထားတဲ့အရေးအသားကိုကြည့်ရင် တမင်လုပ်ကြံရေးသားထားတယ်ဆိုတာကိုခန့်မှန် း လို့ရနိုင်ပါတယ်။ ဘဏ်တွင်အပ်နှံထားသောငွေများ ရှိပါက ထုတ်ယူထားကြပါ။ အရေးကြီးတယ်လို့ ကနဦး သိရတယ်ဗျ ဆိုတဲ့စာကြောင်းတကြောင်းတည်းကို Color Text နဲ့ရေးသားထားတာဖြစ်ပြီး ဒီအကြောင်းအရာမှာ ဘယ်လိုအခြေအနေကြောင့် ထုတ်ယူရမယ် ဒီသတင်းကို ဘယ်ကအစွန်းအစကြားတယ်ဆိုတဲ့ အချက်တွေမပါပဲရေးသားထားတာဖြစ်ပါတယ်။ ဒီလိုအရေးအသားမျိုးက ဘာသာရေးလူမျိုးရေးနဲ့ပတ်သက်လို့ ဆူပူစေဖို့လှုံ့ဆော်ရေးသားတဲ့ပုံစံမျိုးတွေမှာမကြာခဏတွေ့ရလေ့ရှိပါတယ်။

နောက်တစ်ချက်အနေနဲ့ ဒီကာလထဲမှာ ဘဏ်တွေရဲ့ ငွေကြေးဆိုင်ရာပြသနာတွေနဲ့ပတ်သက်လို့ ဗဟိုဘဏ်နဲ့ ဘဏ်ခွဲအသီးသီးက သတင်းထုတ်ပြန်ချက်တွေ၊ အသိပေးကြေငြာချက်တွေထုတ်ပြန်ထားတာမျိုးမရှိပဲ ကိုဗစ်ကြောင့် ငွေတွေထုတ်ယူထားကြဖို့ဆိုတဲ့ ကောလဟာလသတင်းအမှားတွေတော့လူမှုကွန်ရက်မှာ ဖြန့်ဝေနေတာတော့ရှိပါတယ်။

အခုပို့စ်မှာရေးသားထားတဲ့ ငွေတွေထုတ်ယူဖို့လိုလာမယ့်အခြေအနေမျိုးရှိလာခဲ့မယ်ဆိုရင်တောင် အစိုးရနဲ့၊ တရားဝင်မီဒီယာတွေက ဒီအခြေအနေတွေအပေါ်ထုတ်ပြန်ရေးသားတဲ့ သတင်းထုတ်ပြန်ချက်တွေပေါ်ထွက်လာမှာဖြစ်ပါတယ်။ ဒါကြောင့်လက်ရှိဝေမျှထားတဲ့ ဖေ့စ်ဘွတ်ပို့စ်ဟာလူတွေအထိတ်တလန့်ဖြစ်စေဖို့ လှုံ့ဆော်ရေးသားတဲ့ ကောလဟာလသက်သက်သာဖြစ်ပါတယ်။

Claim :   နိုင်ငံမတည်မငြိမ်ဖြစ်ဘို့ ဖန်တီးလိုသူအများစု ပြုလုပ်လေ့ရှိတဲ့ ဘဏ်လုပ်ငန်းပေါ်အခြေခံပြီး ကောလဟလ ထုတ်လွှင့်နေမှုတွေကို စိုးရိမ်မလွန်ဘို့ BOOM က သတင်းရေးသားဖော်ပြထားပါတယ်။
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.