မဲမသမာမှုပြုလုပ်ကြောင်း ဦးမြင့်နိုင်ဝန်ခံတယ်ဆိုတဲ့ သတင်းအမှား
ရွေးကောက်ပွဲ မသမာမှုမျိုးစုံပြုလုပ်ခဲ့ကြောင်း ပြည်ထောင်စုရွေးကောက်ပွဲ ကော်မရှင် အတွင်းရေးမှူး ဦးမြင့်နိုင်ဝန်ခံတယ် ဆိုပြီး လူမှုကွန်ရက်ပေါ် ရေးသားဖြန့်ဝေနေတာတွေဟာ သတင်းမှားတွေသာ ဖြစ်ပါတယ်။
ဒီဖြန့်ဝေမှုတွေကို ဒီဇင်ဘာလ ၁ ရက်နေ့က စတင်ပြုလုပ်လာတာ ဖြစ်ပြီး ရေးသားထားရာမှာ "ရွေးကောက်ပွဲမှာ NLD ပါတီကို အနိုင်ရရှိစေချင်တဲ့အတွက် အောက်ခြေမဲရုံအသီးသီးမှ မဲရုံမှူးများက မဲဆန္ဒရှင်တစ်ဦးကို မဲနှစ်မဲပေးစေခဲ့ခြင်း၊ မှတ်ပုံတင်မရှိသူများကို မဲပေးစေခဲ့ခြင်း ၊ သေဆုံးပြီး သူများကို မဲပေးစေခဲ့ခြင်း ၊ အသက်(၁၈) နှစ် မပြည့် သေးသူများအား မဲပေးစေခဲ့ခြင်း ၊ လူတစ်ဦးကို သက်သေခံကတ်ပြားနှစ်ခုပေးထားပြီးမဲပေးစေခဲ့ခြင်း၊ NLD ပါတီနဲ့ ပါတ်သတ်ပြီး ပယ်မဲ မသတ်မှတ်ပဲ ခိုင်လုံမဲသတ်မှတ်ခြင်းစတဲ့ မဲမသမာမှုများ လုပ်ဆောင်ပေးခဲ့သည်မှာ မှန်ကန်ကြောင်း UEC အတွင်းရေးမှူး ဦးမြင့်နိုင်မှ ဝန်ခံ" ဆိုပြီး ရေးသားထားတာပါ။
ရေးသားဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
ဒီဖြန့်ဝေမှုတွေဟာ သတင်းတု၊ သတင်းမှားတွေသာ ဖြစ်ကြောင်း ပြည်ထောင်စုရွေးကောက်ပွဲကော်မရှင်ရဲ့ တရားဝင် ဖေစ့်ဘွတ်စာမျက်နှာမှာ ဒီဇင်ဘာလ ၄ ရက်နေ့ နေ့လည်က ထုတ်ပြန်ကြေငြာထားပါတယ်။
ထုတ်ပြန်ကြေငြာချက်ကို ဒီနေရာ မှာ ဖတ်ရှု့နိုင်ပါတယ်။