အမေရိကန်နိုင်ငံက စစ်ကြေငြာလိုက်ပြီဆိုတဲ့ သတင်းအမှား

ဧပြီလကတည်းက ဖြန့်ဝေနေတဲ့ အမေရိကန်နိုင်ငံက စစ်ကြေငြာလိုက်ပြီဆိုတဲ့သတင်းအမှားကိုဆက်လက်ဖြန့်ဝေနေတဲ့အတွက် BOOM က သတင်းဆန်းစစ်ထားပါတယ်။

ပြီးခဲ့တဲ့ ဧပြီလ ၁၁ ရက်နေ့ကတည်းက လူအများဖြန့်ဝေနေတဲ့ အမေရိကန်နိုင်ငံက စစ်ကြေငြာလိုက်ပြီဆိုတဲ့ သတင်းအမှားကို ဟာသလုပ်ပြီး ဆက်လက်ဖြန့်ဝေနေတာဖြစ်ပါတယ်။ ဒီသတင်းကို စတင်ဖြန့်ဝေခဲ့တဲ့ ဧပြီလအတွင်းမှာ ယုံတဲ့သူတွေ အမြောက်အများရှိခဲ့ပြီး အခုချိန်မှာတော့ ဟာသသဘောမျိုးနဲ့ ထပ်မံဖြန့်ဝေနေတာတွေရှိသလို ပြစ်တင်ဝေဖန်ကာ ဖြန့်ဝေနေသူတွေလည်း ရှိပါတယ်။


ဖြန့်ဝေရာမှာ "ဝမ်းသာစရာသတင်း လွန်ခဲ့တဲ့တစ်နာရီက အမေရိကန်စစ်ကြေငြာလိုက်ပီ။ စစ်ဆင်ရေးစပီ။" ဆိုပြီး ဖြန့်ဝေနေတာပါ။ ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

ဒီဖြန့်ဝေနေတာတွေဟာ သတင်းမှားတွေသာဖြစ်တယ်ဆိုတာ လူအများသိပြီးဖြစ်ပေမယ့် သတင်းဆန်းစစ်ချက်အရ ထပ်မံစစ်ဆေးကြည့်ပါက ယုံကြည်ရတဲ့ မည်သည့် မီဒီယာ သတင်းဌာနတွေမှာမှ ယနေ့အချိန်ထိ အမေရိကန်စစ်ကြေငြာတယ် ဆိုတဲ့သတင်းကို ဖော်ပြထားခြင်းမရှိပါဘူး။

နောက်ထပ်တစ်ချက်အနေနဲ့ ဒီသတင်းကို စတင်ဖြန့်ဝေခဲ့တာ ဧပြီလ အတွင်းကဖြစ်ပြီး ရေးသားမှုထဲမှာလည်း " လွန်ခဲ့တဲ့တစ်နာရီ" လို့ သုံးနှုန်းထားပါတယ်။ ဒါကြောင့် ဒါဟာ သတင်းမှားသာ ဖြစ်ပြီး ဒီလိုမျှော်လင့်ချက်အလွဲတွေပေးတဲ့ သတင်းအမှားတွေဟာ အာဏာသိမ်းဖြစ်စဉ်ဖြစ်ပွားပြီးကတည်းက မကြာခဏထွက်ပေါ်လေ့ရှိပါတယ်။

Claim :   အမေရိကန်နိုင်ငံက စစ်ကြေငြာလိုက်ပြီဆိုပြီး ဧပြီလကတည်းက ဖြန့်ဝေနေတဲ့ ပိုစ့်ကို ဆက်လက်ဖြန့်ဝေနေတဲ့အတွက် BOOM က သတင်းဆန်းစစ်ထားပါတယ်။
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.