BOOM Myanmar
  • သတင်းအတု
  • ကျန်းမာရေး
  • အချက်အလက် ရယူရန်
  • Home-icon
    Home
  • Contact Us-icon
    Contact Us
  • Correction Policy-icon
    Correction Policy
  • သတင်းအတု-icon
    သတင်းအတု
  • ကျန်းမာရေး-icon
    ကျန်းမာရေး
  • အချက်အလက် ရယူရန်-icon
    အချက်အလက် ရယူရန်
  • Home
  • သတင်းအတု
  • ဂိုးသမား ပြည့်လျှံအောင်...
သတင်းအတု

ဂိုးသမား ပြည့်လျှံအောင် လက်ရွေးစင်အသင်းမှ ထုတ်ပယ်ခံဆိုတဲ့ သတင်းအမှား

မြန်မာ့လက်ရွေးစင်ဘောလုံးအသင်းရဲ့ ဂိုးသမား ပြည့်လျှံအောင် လက်ရွေးစင်အသင်းက ထုတ်ပယ်ခံရတယ်လို့ ဖြန့်ဝေနေမှုတွေ ရှိနေပါတယ်။

By - Boom Live Myanmar |
Published -  2 Jun 2021 10:06 AM IST
  • ဂိုးသမား ပြည့်လျှံအောင် လက်ရွေးစင်အသင်းမှ ထုတ်ပယ်ခံဆိုတဲ့ သတင်းအမှား

    မေလ ၂၈ ရက်နေ့က အိမ်ရှင် ဂျပန်အသင်းနဲ့ ယှဉ်ပြိုင်ခဲ့တဲ့ ၂၀၂၂ ကာတာကမ္ဘာ့ဖလား ခြေစစ်ပွဲ မကစားခင် အာဏာရှင်ကို ဆန့်ကျင်ကြောင်း လက် ၃ ချောင်းထောင် ဆန္ဒထုတ်ဖော်ခဲ့တဲ့ မြန်မာဂိုးသမား ပြည့်လျှံအောင်ကို အသင်းမှ ထုတ်ပယ်ခံရတယ်ဆိုတဲ့ရေးသားမှုတွေ လူမှုကွန်ရက်ပေါ်ပြန့်နှံ့ခဲ့ပါတယ်။

    ဒီအကြောင်းအရာတွေကို မေလ ၂၉ ရက်နေ့ နေ့လည်ပိုင်းမှာ စတင်ဖြန့်ဝေခဲ့တာဖြစ်ပြီး "မြန်မာ့လက်ရွေးစင်ဘောလုံးအသင်းရဲ့ အရန်ဂိုးသမားတစ်ဦးဖြစ်တဲ့ ပြည့်လျှံအောင်ဟာ လက်ရွေးစင်အသင်းကနေ ထုတ်ပယ်ခံလိုက်ရကြောင်း၊ ပွဲမစခင် နိုင်ငံတော်သီချင်းထုတ်လွှင့်နေချိန်မှာ We Want Democracy စာတန်းရေးသားထားတဲ့ လက်သုံးချောင်းထောင်ကာ စစ်အာဏာရှင်ကိုဆန့်ကျင်ကြောင်း ဆန္ဒဖော်ထုတ်ခဲ့လို့ ထုတ်ပယ်တာ ဖြစ်ကြောင်းနဲ့ စစ်ကောင်စီက မြန်မာ အသင်းကို ဖိအားပေးပြီး ထုတ်ခိုင်းခြင်း သို့မဟုတ် (FIFA) ဖီဖာက တိုက်ရိုက် အရေးယူတာလားဆိုတာကို အတည်ပြုဖို့ ကြိုးစားနေကြောင်း" ရေးသားထားတာပါ။

    ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

    သတင်းဆန်းစစ်ချက်

    ဂိုးသမား ပြည့်လျှံအောင် လက်ရွေးစင်အသင်းက ထုတ်ပယ်ခံရတယ်ဆိုပြီး ရေးသားဖြန့်ဝေနေမှုတွေဟာ သတင်းအမှားသာ ဖြစ်တယ်လို့ သံလွင်ခက်သတင်းဌာနရဲ့ ဖေစ့်ဘွတ်စာမျက်နှာမှာ မေလ ၂၉ ရက်နေ့ ညနေပိုင်းက ဖော်ပြထားပါတယ်။


    ရေးသားဖြန့်ဝေနေတာတွေဟာ သတင်းအမှားသာဖြစ်ပြီး ပြည့်လျှံအောင်မှာ အသင်းနဲ့အတူ ရှိနေတယ်လို့ အသင်းတာဝန်ရှိသူတစ်ဦးက ပြောတယ်လို့လည်း ရေးသားထားပါတယ်။

    သံလွင်ခက်သတင်းဌာနရဲ့ ရေးသားဖော်ပြမှုကို ဒီနေရာ မှာ ကြည့်ရှု့နိုင်ပါတယ်။


    မေလ ၂၈ ရက် က ယှဉ်ပြိုင်ခဲ့တဲ့ အိမ်ရှင်ဂျပန်နဲ့ ပွဲစဉ်မှာ မြန်မာအသင်းအနေနဲ့ ၁၀ ဂိုး ဂိုးမရှိနဲ့ ရှုံးနိမ့်ခဲ့ပြီး ဇွန်လ ၁၁ ရက်မှာ ကာဂျစ်စတန်၊ ဇွန်လ ၁၅ ရက်မှာ တာဂျစ်ကစ္စတန် အသင်းတွေနဲ့ ဆက်လက်ယှဉ်ပြိုင်ရမှာ ဖြစ်ပါတယ်။

    Tags

    Myanmar National Football TeamWorld Cup FootballMyanmar football goalkeeperMilitary CoupWe Want Democracysignကမ္ဘာ့ဖလား ခြေစစ်ပွဲ
    Read Full Article
    Claim :   မြန်မာ့လက်ရွေးစင်ဘောလုံးအသင်းရဲ့ ဂိုးသမား ပြည့်လျှံအောင် လက်ရွေးစင်အသင်းက ထုတ်ပယ်ခံရတယ်လို့ ဖြန့်ဝေနေမှုတွေ ရှိနေတဲ့အတွက် BOOM က သတင်းဆန်းစစ်ထားပါတယ်။
    Claimed By :  Facebook, Website
    Fact Check :  False
    Next Story
    Our website is made possible by displaying online advertisements to our visitors.
    Please consider supporting us by disabling your ad blocker. Please reload after ad blocker is disabled.
    X
    Or, Subscribe to receive latest news via email
    Subscribed Successfully...
    Copy HTMLHTML is copied!
    There's no data to copy!