သထုံခရိုင်တိုက်ပွဲ KNU ဘက်မှ ၁၇၁ ယောက် ကျဆုံးတယ်ဆိုတဲ့ သတင်းအမှား

သထုံခရိုင်အတွင်း ဖြစ်ပွားနေတဲ့ KNU တပ်မဟာ ၁ နဲ့ မြန်မာစစ်တပ်ရဲ့ တိုက်ပွဲမှာ KNU ဘက်မှ စစ်သား ၁၇၁ ယောက်ကျဆုံးတယ်ဆိုပြီး စစ်တပ်ထောက်ခံတဲ့ ဖေစ့်ဘွတ်ဂရုတွေမှာ မတ်လ ၉ ရက်နေ့ ညပိုင်းက ဖြန့်ဝေနေတာ တွေ့ရတယ်။

ဖြန့်ဝေရာမှာ "ရှင်းနေပါပြီနော် တပ်မသုံးရင်းနဲ့ KNUကိုချေမှုန်း KNUကျရှုံးသူပုန်171တစ်ယောက်" ဆိုပြီး ရေးသားထားတာပါ။ ရေးသားဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

မွန်ပြည်နယ်၊ သထုံခရိုင် အတွင်းမှာ လက်ရှိဖြစ်ပွားနေတဲ့ တိုက်ပွဲသတင်းနဲ့ ပတ်သတ်ပြီး အချက်အလက်များ ဆန်းစစ်ရာမှာ မြန်မာစစ်သား ၅ ဦးကျဆုံးခဲ့ပြီး KNU မှ ထိခိုက်မှုမရှိကြောင်း၊ သို့သော် KNU ရဲ့ တွပ်ခဲစခန်းကို စွန့်လွှတ်ခဲ့ရကြောင်း မတ်လ ၉ ရက်နေ့ ညပိုင်းက Khit Thit Media သတင်းဌာနရဲ့ ဖေစ့်ဘွတ်ပေချ့်မှာ ဖော်ပြထားတာကို တွေ့ရပါတယ်။

Khit Thit Media သတင်းဌာနမှာ ဖော်ပြခဲ့တဲ့ သတင်းမှာ - ကရင်အမျိုးသားလွတ်မြောက်ရေတပ်မတော်(KNLA) တပ်မဟာ(၁)က သထုံခရိုင်အတွင်း တပ်စွဲထားတဲ့ မြန်မာစစ်တပ်ကို လက်နက်ကြီး၊ လက်နက်ငယ်များနဲ့ စတင်ပစ်ခတ်ခဲ့ကြောင်း၊ မြန်မာစစ်တပ်က နံနက် ၁၁ နာရီကျော်မျာ ဘားအံမြို့နယ်၊ ညောင်ကုန်းရွာသစ်ရှိ KNLA-တပ်ရင်း(၁)၊တပ်ခွဲ(၁)အား ပြန်လည် ဝင်ရောက်တိုက်ခိုက်တဲ့အတွက် အပြန်အလှန်ပစ်ခတ်ပြီး မြန်မာအာဏာသိမ်း စစ်တပ်မှ ၃ ဦးကျဆုံးခဲ့ကြောင်း၊ KNLA ဘက်မှ ထိခိုက်မှုမရှိသော်လည်း တပ်ခွဲစခန်းအားစွန့်လွှတ်ခဲ့ရကြောင်း ရေးသားဖော်ပြထားပါတယ်။

သတင်းကို ဒီနေရာ မှာ ဝင်ရောက်ကြည့်ရှု့နိုင်ပါတယ်။