မြိုင်မြို့နယ်တွင် PDF တပ်ဖွဲ့ဝင်တွေ ဓါးပြတိုက်ဆိုတဲ့ သတင်းအမှား
မကွေးတိုင်း မြိုင်မြို့နယ်မှ ကျေးရွာတစ်ရွာကို PDF တပ်ဖွဲ့ဝင်တွေက ဓါးပြတိုက်ခဲ့တယ်ဆိုပြီး ရွှေထည်ပစ္စည်းတွေပြသထားတဲ့ ဓါတ်ပုံတွေ အသုံးပြုပြီး ရေးသားဖြန့်ဝေနေတဲ့အပေါ် BOOM က သတင်းဆန်းစစ်ထားပါတယ်။
ဒီအကြောင်းအရာကို ဇန်နဝါရီလ ၆ ရက်နေ့က စတင်ဖြန့်ဝေနေတာပါ။ စစ်တပ်ထောက်ခံတဲ့ အသိုင်းအဝိုင်းကြား ဖေစ့်ဘွတ်ပေချ့်နဲ့ ဂရုတွေမှာ အများဆုံးဖြန့်နေတာလည်း ဖြစ်ပါတယ်။
စားပွဲပေါ်မှာ လက်ဝတ်ရတနာတွေ တင်ထားတဲ့ ပုံတွေအသုံးပြုပြီး ဖြန့်ဝေရာမှာ "မကွေးတိုင်းဒေသကြီး မြိုင်မြို့နယ်က ရွာတရွာကို PDF တပ်ဖွဲ့ဝင်တွေက တော်လှန်ရေးအောင်မြင်ဖို့ ထောက်ပံ့ရမယ်ဆိုပြီး ဆင်းရဲချို့တဲ့သူများဆီကပါမကျန် ရွှေ ငွေ လက်ဝတ်ရတနာတွေကို ဓါးပြတိုက်သွားကြောင်း၊ ဒေသခံတွေက ကြောက်ရွံ့တဲ့အတွက် ပြန်မပြောရဲကြောင်း၊ ပြန်ပြေသူတွေကို ဒလန်လို့ စွပ်စွဲသတ်ဖြတ်ကြောင်းနဲ့ PDF တပ်ဖွဲ့ဝင်တွေ ရိက္ခာပြတ်လပ်နေလို့ နီးစပ်ရာ ရွာတွေကို ထမင်းထုပ်လာပို့ခိုင်းကြောင်း" တွေ ရေးသားထားပါတယ်။
ရေးသားဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
ဖြန့်ဝေရာမှာ အသုံးပြုထားတဲ့ပုံတွေဟာ မကွေးတိုင်းဒေသကြီး မြိုင်မြို့နယ်ရှိ ကျေးရွာတရွာက တော်လှန်ရေးရဲဘော်တွေအတွက် လက်ဝတ်ရတနာတွေနဲ့ ငွေကျပ် သိန်း ၈၀ ကျော် လှူဒါန်းတယ်ဆိုတဲ့ သတင်းရဲ့ဓါတ်ပုံတွေ ဖြစ်ပါတယ်။ ဒီသတင်းကို ခေတ်သစ်မီဒီယာ သတင်းဌာနနဲ့ D-Day Channel ရဲ့ ဖေစ့်ဘွတ်စာမျက်နှာတွေမှာ ဇန်နဝါရီလ ၆ ရက်နေ့က ဖော်ပြထားပါတယ်။
သတင်းတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
PDF တပ်ဖွဲ့ဝင်တွေက တော်လှန်ရေးအောင်မြင်ဖို့ ဆင်းရဲချို့တဲ့သူတွေဆီကပါ ဓါးပြတိုက်ဆိုပြီး ဖြန့်ဝေနေတာတွေဟာ လုပ်ကြံရေးသားထားတဲ့ သတင်းအတုတွေပဲ ဖြစ်ပါတယ်။