နေတိုးအကြီးအကဲ Roger Cloutier ကို ရုရှားဖမ်းဆီးတယ်ဆိုတဲ့ သတင်းအမှား

နေတိုးရဲ့ မဟာမိတ်မြေပြင်ကွပ်ကဲရေးဌာန အကြီးအကဲ ဒုတိယဗိုလ်ချုပ်ကြီး Roger Cloutier ကို ယူကရိန်းမှာ ရုရှားတပ်တွေက ဖမ်းဆီးလိုက်တယ်လို့ ရေးသားဖြန့်ဝေထားတဲ့အကြောင်းအရာတွေလူမှုကွန်ရက်မှာ ပျံ့နှံ့ခဲ့ပါတယ်။

ဒီသတင်းကို ဧပြီလ ၁၀ ရက်နေ့က စတင်ပြီး မြန်မာအပါအဝင် နိုင်ငံတကာက လူမှုမီဒီယာတွေပေါ်မှာ အများအပြား ဖြန့်ဝေနေတာဖြစ်ပြီးမူရင်းဖြန့်ဝေရာမှာ "မာရီယူပိုလ်က Azov တပ်တွေကို နောက်ကွယ်ကအကူပေး၊ စီစဉ်ညွှန်ကြားနေတဲ့ အမေရိကန် Gen. Cloutier ကို ရုရှားဖက်က ဖမ်းဆီးမိလိုက်ပါပြီ" လို့ ရေးသားထားပါတယ်။

ဖြန့်ဝေနေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

ဒုတိယဗိုလ်ချုပ်ကြီး Roger Cloutier ကို ယူကရိန်းမှာ ရုရှားတပ်တွေ ဖမ်းဆီးတယ်ဆိုပြီး လူမှုမီဒီယာတွေပေါ်မှာ ဖြန့်ဝေနေတာတွေဟာ သတင်းအမှားသာ ဖြစ်ကြောင်း Reuters သတင်းဌာနမှာ ဧပြီလ ၁၁ ရက်နေ့က ဖော်ပြထားပါတယ်။


ယူကရိန်းမှာ ဒုတိယဗိုလ်ချုပ်ကြီးအား ဖမ်းမိခဲ့ခြင်း မရှိကြောင်းနဲ့ ယူကရိန်းမြေပြင်မှာ နေတိုးမဟာမိတ် ကွပ်ကဲရေး တပ်ဖွဲ့ဝင်တွေ မရှိဘူးလို့ ပြောရေးဆိုခွင့်ရှိသူတစ်ဦးက ပြောကြားကြောင်း ရိုက်တာသတင်းမှာ ဖော်ပြထားပါတယ်။

နေတိုး မဟာမိတ်ကွပ်ကဲမှုဌာနချုပ်မှ ပြည်သူ့ရေးရာ အရာရှိတစ်ဦးက အခုဖြန့်ဝေနေတာတွေဟာ လုံးဝလွဲမှားနေကြောင်း၊ ဒုတိယဗိုလ်ချုပ်ကြီး Cloutier ဟာ ယူကရိန်းနိုင်ငံကို 2021 ခုနှစ် ဇူလိုင်လက နောက်ဆုံးသွားရောက်ခဲ့ခြင်း ဖြစ်ကြောင်းလည်း ရိုက်တာသတင်းမှာ ဖော်ပြထားပါတယ်။

သတင်းကို ဒီနေရာ မှာ ကြည့်ရှု့နိုင်ပါတယ်။

Updated On: 2022-04-14T21:33:34+05:30
Claim :   နေတိုးရဲ့ မဟာမိတ်မြေပြင်ကွပ်ကဲရေးဌာန အကြီးအကဲ ဒုတိယဗိုလ်ချုပ်ကြီး Roger Cloutier ကို ယူကရိန်းမှာ ရုရှားတပ်တွေက ဖမ်းဆီး
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.