UN ဝင်လာဖို့ အသက်နဲ့ရင်းပြီး ကတိပေးကြောင်း ဒေါက်တာဆာဆာ ပြောတယ်ဆိုတဲ့ သတင်းမှား
ကုလသမဂ္ဂလုံခြုံရေးတပ်ဖွဲ့တွေ ဝင်လာဘို့ အသက်နဲ့ရင်းပြီး ကတိပေးကြောင်း ဒေါက်တာဆာဆာ ပြောတယ်ဆိုပြီး လူမှုမီဒီယာပေါ်မှာ ဖြန့်ဝေနေတဲ့ သတင်းဟာ သတင်းအမှားသာဖြစ်ပါတယ်။
ဒီသတင်းကို ဇွန်လ ၂၆ ရက်နေ့က စတင်ဖြန့်ဝေနေတာဖြစ်ပြီး "UN လာဖို့သေချာပြီဟု သူ့အသက်နဲ့အာမခံပြီး ဒေါက်တာဆာဆာ ဂတိပေးလိုက်ပြီ" လို့ ခေါင်းစဉ်တပ်ရေးသားထားပါတယ်။ ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။
သတင်းဆန်းစစ်ချက်
ဒီသတင်းကို "သတင်းထူး 7LIGHT Political News" ဆိုတဲ့ Youtube Channel မှာ ဇွန်လ ၂၄ ရက်နေ့က ဖော်ပြခဲ့တာပါ။ သတင်းခေါင်းစဉ်မှာ လူအများစိတ်ဝင်စားမှုရရှိဖို့ "UN လာဖို့သေချာပြီဟု သူ့အသက်နဲ့အာမခံပြီး ဒေါက်တာဆာဆာ ဂတိပေးလိုက်ပြီ" လို့ ခေါင်းစဉ်တပ်ထားပေမယ့် အတွင်းသတင်းမှာ အဆိုပါအကြောင်းအရာ တစုံတရာ ပါဝင်ကြောင်းမတွေ့ရှိရပါဘူး။
အတွင်းသတင်းမှာ ဖော်ပြထားတာက "ကိုဗစ်ဖြစ်နေတဲ့ CDM စစ်ဗိုလ်နဲ့ အမတ်ဟောင်းကို စစ်ကောင်စီက ဖမ်းဆီး" ဆိုတဲ့သတင်းနဲ့ "စစ်ကောင်စီရဲ့ ဖိနှိပ်မှုများကြားမှ မန္တလေး" ဆိုတဲ့ သတင်းနှစ်ပုဒ်သာ ပါဝင်ပါတယ်။ ဒီနေရာ မှာ ဝင်ရောက်ကြည့်ရှု့နိုင်ပါတယ်။
Claim Review : ကုလသမဂ္ဂလုံခြုံရေးတပ်ဖွဲ့တွေ ဝင်လာဖို့ အသက်နဲ့ရင်းပြီး ကတိပေးကြောင်း ဒေါက်တာဆာဆာ ပြောတယ်ဆိုပြီး လူမှုမီဒီယာပေါ်မှာ ဖြန့်ဝေနေတဲ့သတင်းကို သတင်းဆန်းစစ်ထားပါတယ်။
Claimed By : Facebook, Website
Fact Check : False
Next Story