တရုတ်ဘီစကစ် မုန့်ပုံးပေါ်က ဇာတ်လမ်းအတု

မိသားစု မုန့်ပုံးလို့ လူသိများတဲ့ Khong Guan ဘီစကစ်မုန့်ပုံးပေါ်က မုန့်စားနေတဲ့ မိသားစုပုံနဲ့ ပါတ်သတ်ပြီး နာဇီတွေ လူမျိုးတုန်း သတ်ဖြတ်ခဲ့တဲ့ ဂျူးလူမျိုး ကလေးငယ်တစ်ဦးရဲ့ ဇာတ်လမ်းနဲ့ တွဲဖက်ရေးသားဖြန့်ဝေနေမှုတွေ ရှိနေပါတယ်။

Khong Guan ဘီစကွတ်မုန့်ပုံးပေါ်က ပါဝင်တဲ့ရုပ်ပုံတစ်ခုနဲ့ပတ်သက်ပြီး ဇာတ်လမ်းထွင်ရေးသားကြတဲ့အကြောင်းအရာတွေမကြာခဏပေါ်ထွက်လေ့ရှိပြီး ဒီကာလထဲမှာပဲ နောက်ထပ်ဇာတ်လမ်းတစ်ခုရေးသားဖြန့်ဝေမှုတွေထွက်ပေဓလာပါတယ်။

ဒီမုန့်ပုံးပေါ်ကမိသားစုပုံနဲ့ ပါတ်သတ်ပြီး အခုတခေါက်ဖြန့်ဝေရာမှာ "ဒုတိယ ကမ္ဘာစစ်ဖြစ်ကြီးဖြစ်ပြီး ၂နှစ်အကြာ တူရကီနွယ်ဖွားမိသားစုတစ်စုက ဂျာမနီ Cottbus ဆိုတဲ့ မြို့လေးတစ်မြို့ရှိ အိမ်တအိမ်ထဲမှာ ငိုနေတဲ့ ဂျူးကလေးငယ်တစ်ဦးကို မွေးစားခဲ့ကြောင်း၊ ၄ နှစ်အကြာ စစ်ပြီးတဲ့အချိန် ( ၁၉၅၀ ပြည့်နှစ်လောက်မှာ) အရှေ့ဂျာမနီမှာ ရှိနေတဲ့ ဒီမိသားစုအကြောင်းကို အမေရိကန် သတင်းထောက်တစ်ဦးက ဓာတ်ပုံရိုက်ပြီး သတင်းမှာဖော်ပြခဲ့ရာက လူမျိုးဘာသာမခွဲခြားဘဲ အသက်အန္တရာယ်ကို မငဲ့ဘဲ ကယ်တင်မှုနဲ့ မိသားစုဆန်မှုကို လေးစားတဲ့အနေနဲ့ သူတို့ပုံရိပ်နဲ့ Family ဆိုတဲ့ Food Product တစ်မျိုးကို စတင်ထုတ်လုပ်ခဲ့ကြောင်း" ရေးသားထားတာပါ။

မူရင်းရေးသားဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

တကယ်တော့လက်ရှိဝေမျှနေတဲ့ မုန့်ပုံးတွေဟာပြည်တွင်းမှာ လွန်ခဲ့တဲ့နှစ် လေးဆယ်ဝန်းကျင်ကတည်းက စားသုံးနေကြတာဖြစ်ပါတယ်။ ဒီမုန့်ပုံးမှာပါတဲ့ပုံဟာ တော်တော်များများရင်နှံးပြီးသားဖြစ်ပေမယ့် လက်ရှိဖြန့်ဝေနေတဲ့အကြောင်းအရာတွေမှာပါသလို ဂျုးကလေးဖြစ်ကြောင်းနဲ့ မွေးစားထားတယ်ဆိုတဲ့ဇာတ်လမ်းလည်းမရှိခဲ့ပါဘူး။

Khong Guan အမည်နဲ့ထုတ်လုပ်တဲ့ ဘီစကစ်ကို တရုတ်ပြည်ဖွား Chew Choo Keng နဲ့ Chew Choo Han တို့က စင်္ကာပူနိုင်ငံမှာ စတင်တည်ထောင် ခဲ့တာဖြစ်ပါတယ်။ စင်္ကာပူကို ဂျပန်တွေ ကျူးကျော်လာတဲ့အချိန် Khong Guanဘီစကစ်ကို မလေးရှားနိုင်ငံ Perak မြို့မှာ ဆက်လုပ်ခဲ့ပါတယ်။ ဂျပန်တွေ ပြန်ထွက်သွားပြီး နောက်ပိုင်း ၁၉၄၇ ခုနှစ်မှတော့ာ Khong Guan ဘီစကစ်စက်ရုံကို စင်္ကာပူမှာစတင် တည်ထောင်ခဲ့ပါတယ်။ အဲ့နောက်ပိုင်း မလေးရှားနဲ့ အခြားအရှေ့တောင် အာရှနိုင်ငံတွေမှာလည်း စက်ရုံတွေ ထပ်ပြီး တည်ဆောက်ခဲ့တယ်လို့ Khong Guan cookie သမိုင်းကြောင်းနဲ့ ပါတ်သတ်ပြီး သူတို့ရဲ့ ဝက်ဘ်ဆိုက်မှာ ရေးသားထားပါတယ်။

Khong Guan ဘီစကွတ် ကုမ္ပဏီအနေနဲ့ သူတို့ရဲ့ ထုတ်ကုန်တွေကို ပုံအမျိုးမျိုးအသုံးပြု ထုတ်လုပ်နေတာဖြစ်ပြီး မုန့်ပုံးပေါ်က ပုံတွေနဲ့ ပါတ်သတ်ပြီး ကောလဟလတွေလည်း အမျိုးမျိုးထွက်ခဲ့ပါတယ်။ ပြီးခဲ့တဲ့ နှစ်တွေအတွင်းမှာလည်း Khong Guan ဘီစကစ်သံပုံးပေါ်က ပုံမှာ အဖေမပါတဲ့အပေါ် မေးခွန်းထုတ် ကောလဟလတွေ ဖြန့်ခဲ့ကြပါသေးတယ်။ ဒါကို အင်ဒိုအခြေစိုက် The Jakarta Post သတင်းဌာနမှာလည်း ဖော်ပြဖူးခဲ့ပါတယ်။


သတင်းကို ဒီနေရာ မှာ ကြည့်ရှု့နိုင်ပါတယ်။

ဒီသရုပ်ဖော်ပုံရဲ့ မူရင်းပုံကို အင်္ဂလိပ်သရုပ်ဖော်ပုံဆွဲသူ Harry Wingfield ဖန်တီးခဲ့တာ ဖြစ်ပြီး ၁၉၅၉ ခုနှစ်မှာ Ladybird Books က ထုတ်ဝေတဲ့ ကလေးပုံပြင်စာအုပ်မှာ ဖော်ပြခဲ့တာပါ။ ဒီအကြောင်းကို The Finery Report ဝက်ဘ်ဆိုက်မှာ ဖော်ပြခဲ့တာဖြစ်ပြီး ဒီနေရာ မှာ ကြည့်ရှု့နိုင်ပါတယ်။ မူရင်းဖန်တီးမှု Harry Wingfield ပုံတွေကို ဒီနေရာ မှာ ကြည့်ပါ။


Khong Guan ဘီစကွတ်မုန့်ပုံးပေါ်က ပုံတွေကိုတော့ အင်ဒိုနီးရှားနိုင်ငံသား Bernardus Prasodjo က ဖန်းတီးထားတာပါ။ ဒီအကြောင်းနဲ့ ပါတ်သတ်ပြီး VICE မီဒီယာနဲ့ အင်တာဗျူးမှာ Bernardus က "တနေ့မှာ ဂျာကာတာ အနောက်ဘက်မှာ ရှိတဲ့ ပုံနှိပ်ကုမ္ပဏီတစ်ခုက Khong Guan ဘီစကွတ် သံပုံးတွေပေါ်မှာ အလှဆင်ဆွဲပေးဘို့ အလုပ်တစ်ခုအပ်ခဲ့ကြောင်း၊ ကုမ္ပဏီက ပုံဆွဲရာမှ မှီငြမ်းဘို့ လူဖြူအမျိုးသမီးတစ်ဦးနဲ့ ကလေး၂ ယောက် ညစာစားနေတဲ့ သတင်းစာဖြတ်ပိုင်းတစ်ခုပေးခဲ့ကြောင်းနဲ့ စင်္ကာပူသတင်းစာ တစ်စောင်လို့ ထင်တယ်" လို့ ပြော ဆိုထားပါတယ်။ Bernardus က Khong Guan ပိုင်ရှင်တွေနဲ့ တခါမှ မတွေ့ဆုံဘူးတဲ့အပြင် တိုက်ရိုက်ဆက်သွယ်ခြင်းလည်း မရှိခဲ့ဘူးလို့ ပြောဆိုထားပါတယ်။ VICE မီဒီယာရဲ့ အင်တာဗျူးကို ဒီနေရာ မှာ ဝင်ရောက် ဖတ်ရှု့နိုင်ပါတယ်။

Updated On: 2022-03-10T13:01:16+05:30
Claim :   မိသားစု မုန့်ပုံးလို့ လူသိများတဲ့ Khong Guan ဘီစကစ်မုန့်ပုံးပေါ်က မုန့်စားနေတဲ့ မိသားစုပုံဟာ နာဇီတွေ လူမျိုးတုန်း သတ်ဖြတ်ခဲ့တဲ့ ဂျူးလူမျိုး ကလေးငယ်တစ်ဦးရဲ့ ဖြစ်စဉ်ကို ရည်ညွှန်း
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.