ထိုင်းစစ်တပ်က တရားမဝင်ဝင်ရောက်သူတွေကို ပစ်ခတ်နေတယ်လို့ ထင်မြင်အောင်ရေးသားဖြန့်ဝေနေတဲ့ သတင်းအမှား

ထိုင်းမှာဖြစ်ပွားခဲ့တဲ့ ကားမတော်တဆမှုတစ်ခုက ပုံတွေအသုံးပြုပြီး ထိုင်းစစ်တပ်က မြန်မာတွေကို ပစ်ခတ်နေတယ်လို့ အထင်ရောက်စေတဲ့ ရေးသားဖြန့်ဝေနေမှုတွေ ရှိလာပါတယ်။

ရေးသာဖြန့်ဝေမှုကို ဆူးရဲ့ဒဏ်ရာများနဲ့ သူ ဆိုတဲ့ ဖေစ့်ဘွတ်အကောင့်ကနေ သြဂုတ်လ ၃၀ ရက်နေ့မှာ ဖြန့်ဝေခဲ့တာဖြစ်ပြီး ၂၄ နာရီမတိုင်ခင် ထပ်ဆင့်ဖြန့်ဝေမှု လေးသောင်းသုံးထောင်ကျော်ရှိခဲ့တာ ဖြစ်ပါတယ်။ ရေးသားဖြန့်ဝေမှုကို ဒီနေရာ မှာ ကြည့်ရှု့နိုင်ပါတယ်။

ရေးသားဖြန့်ဝေရာမှာ "ထိုင်းထဲကို...ခိုးဝင်မလာကြပါနဲ့...ပစ်မိန့်လည်းထုတ်ထားပြီပြီ...အသိနဲ့သတိရှိပါ.. လုံးဝ လုံးဝ ခိုးမဝင်ကြပါနဲ့" ဆိုပြီး ရေးသားထားတာပါ။

သတင်းဆန်းစစ်ချက်

ဒီသတင်းကို ဆန်းစစ်ရာမှာ ဖြန့်ဝေမှုမှာပါနေတဲ့ ထိုင်းစာတွေကို ဂူဂဲလ်ဘာသာပြန်မှာ ထည့်ကြည့်ရာ အောက်ပါအတိုင်း ဖော်ပြထားတာကို တွေ့ရပါတယ်။

ဂူဂဲလ်ရဲ့ ဘာသာပြန်ချက်အရ ဒါဟာ ကားမတော်တဆမှုတစ်ခုသာဖြစ်ကြောင်း သိရှိရတဲ့အတွက် ဒီပုံတွေရဲ့ မူရင်းကို ရှာဖွေကြည့်ခဲ့ပါတယ်။ ရှာဖွေမှုရလဒ်အရ ဒီပုံတွေဟာ ထိုင်းနိုင်ငံက လမ်းပေါ်က မတော်တဆမှုတွေနဲ့ အခြားထူးခြားတဲ့ သတင်းတွေကို ဖြန့်ဝေနေတဲ့ Home News ဆိုတဲ့ ဂရုမှာ သြဂုတ်လ ၂၈ ဖြန်ဝေထားတာကို တွေ့ရပါတယ်။

ပိုစ့်မှာရေးသားထားတာက "ပစ်ကပ်ကားတစ်စီး သစ်ပင်ဝင်တိုက်မိမှု မနေ့က ဖြစ်ပွားခဲ့ပါတယ်။ သုံးယောက်သေဆုံးတယ်လို့ သတင်းရပါတယ်။ ဝမ်းနည်းစရာကောင်းတဲ့ အဖြစ်အပျက်ပါ။" ဆိုပြီး ရေးသားထားတာပါ။ ရေးသားဖြန့်ဝေမှုကို ဒီနေရာ မှာ ကြည့်ရှု့နိုင်ပါတယ်။

Tags