လူပေါင်းလေးသိန်းကျော်ဝေမျှထားတဲ့ နဂါးဥ Share ရင် ငွေဝင်မယ်ဆိုတဲ့အကြောင်းအရာ

ပို့စ်ထဲမှာတော့ ဘယ်ဒေသကမှန်းမသိရတဲ့ နဂါးရုပ်တု၊ ဥပုံစံ အလုံးလေးတွေနဲ့ ပိုက်ဆံပုံ ကြီးကိုပြထားကာ ဖြန့်ဝေပေးဘို့ပြောဆိုထားပြီး မဖြန့်ဝေရင် စီးပွားရေးကြပ်တည်းမယ်ဆိုပြီးခြောက်လှန့်ရေးသားထားတာဖြစ်ပါတယ်။

ဒီဖြန့်ဝေမှုကို Nay Lin Tun ဆိုတဲ့ ဖေစ့်ဘွတ်အကောင့်ကနေ ၂၀၁၈ ခုနှစ် နိုင်ဝင်ဘာလ ၂၈ ရက်နေ့က စတင်ဖြန့်ဝေခဲ့တာဖြစ်ြ ပီး ထပ်မံဖြန့်ဝေမှု လေးသိန်းကိုးသောင်းရှစ်ထောင်ကျော်ရှိနေကာ ယနေ့အထိလည်း ဆက်လက်ဖြန့်ဝေနေဆဲ ဖြစ်တာကိုတွေ့ရပါတယ်။လက်ရှိအချိန်အထိအဲ့ဒီအကြောင်းအရာကို ထပ်ဆင့်ဝေမျှမှူဟာလေးသိန်းကျော်အထိရှိနေပါတယ်။

ဒီဖြန့်ဝေမှုကို ဒီနေရာ နဲ့ ဒီနေရာ တွေမှာ ကြည့်နိုင်ပါတယ်။

ဖြန့်ဝေထားတဲ့ ဖေစ့်ဘွတ်ပိုစ့်ထဲက ပုံတွေကို ကြည့်ကာ တချို့က နဂါးဥလို့ ရမ်းသန်းပြောဆိုတွေတာလည်း တွေ့ရပြီး မည်သည့်အတွက်ကြောင့် အခုလိုယုံကြည့်မှုတွေရှိနေတယ်ဆိုတာ ပြောရခက်ပါတယ်။ အောက်က ပုံကိုကြည့်ရှု့ပါ။

သတင်းဆန်းစစ်ချက်

ဒီဖြန့်ဝေမှုက နဂါးရုပ်ထုပုံတွေရဲ့ မူရင်းပုံတွေကတော့ ထိုင်းနိုင်ငံက Pa Phu Hung ဘုရားကျောင်းမှာရှိတဲ့ ပုံမှန်မဟုတ်တဲ့ နဂါးရုပ်တုတွေဖြစ်ပါတယ်။ ဒီဘုရားကျောင်းရဲ့ အကြောင်းကို ထိုင်းနိုင်ငံ ခရီးသွားလုပ်ငန်းလမ်းညွှန် ဝဘ်ဆိုက်မှာဖော်ပြထားပြီး ဒီနေရာမှာ ကြည့်ရှု့နိုင်ပါတယ်။

နောက်ထပ် ဒီပိုစ့်မှာပါတဲ့ နဂါးဥလိုလို ထင်ယောင်ထင်မှားဖြစ်အောင် ဖြန့်ဝေထားတဲ့ ပုံကတော့ ၂၀၁၂ ဖေဖေါ်ဝါရီ လ အတွင်းက အိန္ဒိယမှာတွေ့ရှိတဲ့ Chikilidae ခေါ် ခြေထောက်မရှိတဲ့ ကုန်းနေရေနေသတ္တဝါအသစ်တစ်မျိုး ရဲ့ဥပုံစံပဲ ဖြစ်ပါတယ်။ ဒီအကြောင်းကို သဘာဝပတ်ဝန်းကျင်အကြောင်းရေးသားဖော်ပြလေ့ရှိတဲ့ Earth Time သတင်းစာကလည်း ၂၀၁၂ ခုနှစ် ဖေဖေါ်ဝါရီ ၂၂ ရက် သူတို့ ဝဘ်ဆိုက်မှာ ဖော်ပြထားတာ တွေ့ရမှာပါ။ Earth Time သတင်းစာရဲ့ ဖော်ပြမှုကို ဒီနေရာ မှာ ကြည့်ရှု့နိုင်ပါတယ်။

Dragon Photos have been shared in multiple posts on Facebook alongside a claim that sharing Dragon image may earn money.