မြန်မာနိုင်ငံက အဖြစ်အပျက်အဖြစ် ဖြန့်ဝေနေတဲ့ ဗွီဒီယိုဖိုင်

နေအိမ်အမြောက်အများကြားမှာ ပေါက်ကွဲမှုတွေဆက်တိုက်ဖြစ်နေတဲ့ ၁၅ စက္ကန့်စာ ဗွီဒီယိုဖိုင်တစ်ခုကို မြန်မာနိုင်ငံက အဖြစ်အပျက်တစ်ခုအဖြစ် ရေးသားဖြန့်ဝေမှုတွေရှိနေပါတယ်။

ဒီဖြန့်ဝေမှေုတွေကို စက်တင်ဘာလ ၁၀ ရက်နေ့ည ၁၁ နာရီဝန်းကျင်မှာ Moe Htet ဆိုတဲ့ဖေစ့်ဘွတ်အကောင့်ကနေ "ထိုင်းရောက်မြန်မာပြည်သားများရဲ့ရင်ဖွင့်စကားဝိုင်း" ဆိုတဲ့ ဖေစ့်ဘွတ်ပေချ့်မှာ စတင်ဖြန့်ဝေခဲ့တာ ဖြစ်ပြီး ပြန်လည်ဖြန့်ဝေသူ ခြောက်ထောင်ကျော် ရှိနေပါတယ်။

ဒီအကြောင်းအရာကို ဖြန့်ဝေရာမှာ "မြန်မာပြည့်ရဲ့ ဖြစ်ရပ်မှန်နော် ကျော်မသွားသင့်ပါ။ မြန်မာပြည့်မှာဖြစ်နေတာနော် တကယ်ကြီး။ ယနေ10.9.2021 မျာများသားသား saver လုပ်ပေးကြာပါ။ မျာများသားသား တင်ပေးကြာပါ" ဆိုပြီး ရေးသားထားပြီး လူနေအိမ်များကြားမှာ ဆက်တိုက်ပေါက်ကွဲမှုတွေဖြစ်ပေါ်နေတဲ့ ၁၅ စက္ကန့်ကြာ ဗွီဒီယိုဖိုင်တစ်ခု ပါဝင်ပါတယ်။

ဖြန့်ဝေမှုတွေကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

တကယ်တော့ ဒီဗွီဒီယိုဖိုင်ကို ၂၀၁၉ ခုနှစ် စက်တင်ဘာလတုန်းကလည်း "မြန်မာနိုင်ငံမြောက်ပိုင်း စစ်ပွဲရဲ့ အကြမ်းဖက် ဗုံးကြဲတဲ့ မြင်ကွင်း" ဆိုပြီး လူမှုမီဒီယာတွေမှာ ဖြန့်ဝေခဲ့ဖူးပါသေးတယ်။ ဒီလိုဖြန့်ဝေခဲ့တဲ့အတွက် တရုတ်မီဒီယာတွေမှာ ပြန်လည်ဖြေရှင်းခဲ့ကြတာလည်း ရှိခဲ့ပါတယ်။

ဒီစက္ကန့် ၃၀ ကြာမြင့်တဲ့ ဗွီဒီယိုဖိုင်ကတော့ တရုတ်နိုင်ငံက ဒါရိုက်တ Xu Jizhou ရဲ့" Glory of Special Warfare" ဆိုတဲ့ တီဗီစီးရီးထဲက ဇာတ်ဝင်ခန်းဖြစ်ပါတယ်။


ဒီဗွီဒီယိုဖိုင်ကို ဒါရိုက်တာ Xu Jizhou က သူ့ရဲ့ Weibo အကောင့်မှာ တင်ပြီးနောက်ပိုင်း မြန်မာနိုင်ငံကအဖြစ်အပျက်အဖြစ် ပြန်လည်ဖြန့်ဝေနေတဲ့အတွက် တရုတ်မီဒီယာတွေက ပြန်လည်ဖြေရှင်းထားတာ ဖြစ်ပါတယ်။

တရုတ်မီဒီယာတွေမှာ ဖော်ပြထားချက်ကို ဒီနေရာ နဲ့ ဒီနေရာ တွေမှာ ကြည့်ရှု့နိုင်ပါတယ်။

Claim :   နေအိမ်အမြောက်အများကြားမှာ ပေါက်ကွဲမှုတွေဆက်တိုက်ဖြစ်နေတဲ့ ၁၅ စက္ကန့်စာ ဗွီဒီယိုဖိုင်တစ်ခုကို မြန်မာနိုင်ငံက အဖြစ်အပျက်တစ်ခုအဖြစ် ရေးသားဖြန့်ဝေနေတဲ့အပေါ် BOOM က သတင်းဆန်းစစ်ထားပါတယ်။
Claimed By :  Facebook, Website
Fact Check :  False
Show Full Article
Next Story
Our website is made possible by displaying online advertisements to our visitors.
Please consider supporting us by disabling your ad blocker. Please reload after ad blocker is disabled.