"COVID-19 ဒုတိယလှိုင်းတွင် ညှိသွားခဲ့သော မိခင်နှင့်( ၂)လသားအရွယ် ကလေးငယ်တစ်ဦးပုံပါ ...ဆိုတဲ့ သတင်းအမှား

လသားအရွယ်ကလေးဓါတ်ပုံကို အသုံးပြုကာ COVID-19 အတည်ပြုလူနာဆိုပြီး အွန်လိုင်းပေါ်ဖြန့်ဝေနေတဲ့ အတွက် BOOM က သတင်းဆန်းစစ်ချက်ပြုလုပ်ထားပါတယ်။

ဖြန့်ဝေရာမှာ "COVID-19 ဒုတိယလှိုင်းတွင် ညှိသွားခဲ့သော မိခင်နှင့်( ၂)လသားအရွယ် ကလေးငယ်တစ်ဦးပုံပါ .. ..လူတိုင်းကျန်းမားရေးအသိရှိကြပါရန်" ဆိုပြီး ရေးသားထားပါတယ်။

PPE ဝတ်ဆင်ထားတဲ့ ကျန်းမာရေးဝန်ထမ်းတစ်ဦးအပါအဝင် နှာခေါင်းစည်းတပ် ကျန်းမာရေးဝန်ထမ်းတွေက ကလေးကိုစမ်းသပ်နေတဲ့ပုံကို အသုံးပြုပြီး နာမည်ကျော်သရုပ်ဆောင် စမိုင်းလ်ကလည်း သူ့ပေ့ချ့်မှာ ဖြန့်ဝေထားပါသေးတယ်။ ပြန်လည်ဖြန့်ဝေသူ ၂ ထောင်ခုနှစ်ရာကျော်အထိ ရှိခဲ့တဲ့ သူမရဲ့ပိုစ့်ကို ဒီနေရာမှာ ကြည့်ရှု့နိုင်ပါတယ်။


စမိုင်းလ် ရဲ့ ရေးသားဖြန့်ဝေမှုတွေထဲမှာ ကလေးကို COVID-19 အတည်ပြုလူနာဟု ပြောဆိုထားခြင်းမရှိပေမယ့် သူမရဲ့ ပိုစ့်အကြောင်းသတင်းပြန်လည်ရေးသားထားတဲ့ XB Media MyanmarMyanmar News Media စတဲ့ ဝက်ဘ်ဆိုက်တွေကတော့ "COVID – 19 ရောဂါပိုးကူးစက်ခံရတဲ့ (၂)လသားအရွယ်ကလေးရဲ့ မိခင်ကို ကြည့်ပြီး မျက်ရည်မဆည်နိုင်အောင် ဖြစ်ခဲ့ရတယ်ဆိုတဲ့ စမိုင်းလ်" ဆိုပြီး ရေးသားထားတာ တွေ့ရပါတယ်။


ရေးသားဖြန့်ဝေမှုတွေကို ဒီနေရာဒီနေရာ နဲ့ ဒီနရော တွေမှာ ကြည့်ရှု့နိုင်ပါတယ်။

သတင်းဆန်းစစ်ချက်

အခုရက်ပိုင်း အွန်လိုင်းပေါ်မှာဖြန့်ဝေနေတဲ့ ပုံပါကလေးဟာ ကျန်းမာရေးဝန်ကြီးဌာနရဲ့ ထုတ်ပြန်တဲ့ စာရင်းမှာပါတဲ့ ၂ လလသားအရွယ် COVID-19 အတည်ပြုလူနာမဟုတ်ပါဘူး။ ဓာတ်ပုံထဲက ကလေးလေးက သဲကုန်းမြို့ Quarantine စင်တာမှာ Q ဝင်နေတာဖြစ်ပြီး ဓာတ်ပုံကတော့ဩဂုတ်၂၅ ရက်နေ့က Swab ယူနေတာကို ရိုက်ထားတာပါ။

ဒီဓာတ်ပုံနဲ့ပတ်သတ်ပြီး သဲကုန်းမြို့နယ်ပြည်သူ့ဆေးရုံ ရဲ့ ဖေစ့်ဘွတ်ပေချ့်မှာ မေးမြန်းထားတာတွေလည်းရှိပြီး ဆေးရုံက ပြန်လည်ဖြေကြားထားရာမှာ ပုံပါကလေးမှာ သဲကုန်းမြို့ကဖြစ်ကြောင်း၊ လက်ရှိတွင် စစ်ဆေးဆဲအဆင့်သာရှိကြောင်း၊ COVID-19 အတည်ပြုလူနာကလေးက ရခိုင်ပြည်နယ် မြောက်ဦးကဖြစ်ကြောင်း ပြန်လည်ရှင်းလင်းထားပါတယ်။ အောက်ဖော်ပြပါပုံကို ကြည့်ပါ။


သဲကုန်းမြို့နယ်ပြည်သူ့ဆေးရုံ ရဲ့ပြန်လည်ဖြေရှင်းထားချက်ကို ဒီနေရာ မှာ ဝင်ရောက်ကြည့်ရှု့နိုင်ပါတယ်။

Updated On: 2020-08-29T10:19:02+05:30
Claim Review :   လသားအရွယ်ကလေးဓါတ်ပုံကို အသုံးပြုကာ COVID-19 အတည်ပြုလူနာဆိုပြီး အွန်လိုင်းပေါ်ဖြန့်ဝေနေတဲ့ အတွက် BOOM က သတင်းဆန်းစစ်ချက်ပြုလုပ်ထားပါတယ်။
Claimed By :  Facebook, Website
Fact Check :  False
Show Full Article
Next Story