ဘုရင့်နောင်တံတား ပုံအဟောင်းနဲ့ သတင်းအမှား
ပြီးခဲ့တဲ့မတ်လအတွင်းကဖြစ်ပွားခဲ့တဲ့ဖြစ်စဉ်ကပုံတွေကိုအသုံးပြုပြီး လက်ရှိဖြစ်နေသယောင်ဖြန့်ဝေထားတဲ့ သတင်းအမှားတစ်ပုဒ် ယနေ့နံနက်ပိုင်းကတည်းကလူမှုကွန်ရက်စာမျက်နှာတွေမှာ ပျံ့နှံ့လျက်ရှိပါတယ်။
ဒီဓါတ်ပုံကို U Ngel Lay အမည်နဲ့ဖေ့စ်ဘွတ်အကောင့်ကနေစတင်ဖြန့်ဝေထားတာဖြစ်ပြီးလက်ရှိအချိန်အထိထပ်ဆင့်ဖြန့်ဝေသူ သောင်းချီရှီနေပါတယ်။ ဒီဓါတ်ပုံနဲ့အတူ ရန်ကုန်မှာလက်ရှိဖြစ်ပွားနေတဲ့အဖြစ်အပျက်အသွင်ပုံဖော်ရေးသားထားတဲ့ စာသားပါထည့်သွင်းထားတာကြောင့် လူအများစုထင်ယောင်ထင်မှားဖြစ်ပြီးဝေမျှနေတာဖြစ်ပါတယ်။
အမျိုးသားညီညွတ်ရေးအစိုးရ ( NUG ) က စက်တင်ဘာ ၇ ရက်နေ့နံနက်မှာတစ်နိုင်ငံလုံးကို အရေးပေါ်ကာလအဖြစ်ကြေငြာပြီး စစ်ကောင်စီကိုနိုင်ငံတဝှမ်းတိုက်ခိုက်ဖို့ကြေငြာချက်ထွက်ပေါ်အပြီးမှာ ဒီလိုသတင်းအမှားတွေဆက်တိုက်ဖြန့်ဝေနေကြတာဖြစ်ပါတယ်။ မူရင်းဖြန့်ဝေမှုကို ဒီမှာ ကြည့်ပါ ။
သတင်းဆန်းစစ်ချက်
အထက်ပါပို့စ်မှာရေးသားဖြန့်ဝေထားတဲ့ သတင်းဓါတ်ပုံနဲ့စာသားဟာ ပုံအဟောင်းကိုအသုံးပြုပြီး ရန်ကုန်မှာလက်ရှိတိုက်ပွဲဖြစ်တဲ့အသွင်ဖြစ်စေဖို့ လုပ်ကြံဖြန့်ဝေထားတာသာဖြစ်ပါတယ်။ မူရင်းဖြစ်စဉ်ဟာ စစ်ကောင်စီကိုဆန့်ကျင်ဆန္ဒပြတဲ့ကာလအတွင်း ဘုရင့်နောင်လမ်းဆုံမှာဖြစ်ပွားခဲ့တဲ့ပုံရိပ်တွေသာဖြစ်ပြီး အဆိုပါဖြစ်စဉ်ဟာ မတ်လ ၁၅ ရက်နေ့ကဖြစ်ပွားခဲ့တာဖြစ်ပါတယ်။ ာင်းကာလကဓါတ်ပုံတွေကို ဖေ့စ်ဘွတ်နဲ့တွစ်တာတို့မှာ #WhatsHappeningInMyanmar #Mar15Coup စတဲ့ Hash Tag တွေနဲ့ရှာဖွေတွေ့ရှိနိုင်ပါတယ်။ အောက်ပါပုံတွေကတော့ ယင်းကာလကဖြစ်ပွားခဲ့တဲ့မူရင်းဖြစ်စဉ်ကပုံတွေဖြစ်ပါတယ်။
